info@energjia.al

Një kamion tip “Benz” është përplasur me një fuoristradë në aksin rrugor Pogradec-Korçë.

Ngjarja ka ndodhur rreth orës 14:50 ku kamioni me targë AA267OJ dhe foristrada me targë AA 898 PM u përplasën dhe për pasojë është dëmtuar një shtetas egjiptian rreth 30 vjeç, i cili udhëtonte me mjetin me targë AA 898 PM, (punonjës i TAP)i cili po transportohet në Spitalin e Korçës për mjekim jashtë rrezikut për jetën.

Burime nga policia e Korçës njoftojnë se u ngrit grupi hetimor dhe po punohet për zbardhjen e rrethanave të aksidentit.

Shqiptarja.com  21.04.2017

Dyshohet se një bombol gazi ka shpërthyer në një banesë në Elbasan, asfiksohet një e moshuar që ndodhej brenda.

E moshuara e asfiksuar është dërguar me urgjencë në spital ndërsa nga banesa është përfshirë nga flakët.

Ende nuk dihet gjendja shëndetësore e të moshuarës dhe rrethanat e mëtejshme të ngjarjes.

Shqiptarja.com  19.04.2017

Policia Rrugore e Durrësit ka arrestuar në flagrancë një 25-vjeçare pasi gjatë natës është konstatuar duke kryer shkelje të qarkullimit rrugor.

Në prangat e bluve ka rënë Sadjona Dervishi, banuese në Durrës.

Ajo rreth orës 23:40,në autostradën Durrës–Tiranë, tek një karburant, duke drejtuar automjetin tip Benz ka humbur kontrollin e mjetit duke u futur brenda në karburant dhe më pas është përplasur me reklamat e tij.

Për pasojë është dëmtuar vetë e reja, e cila ndodhet në Spitalin Rajonal Durrës nën kujdesin e mjekëve.

Gjatë testit të alkoolit rezultoi se Dervishi ishte në gjendje të dehur.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Shkelja e rregullave të qarkullimit rrugor”dhe”Drejtimi i automjeteve në mënyrë të parregullt”.

Shqiptarja.com  11.04.2017

Një ‘Fast Food’ në kryeqytet është përfshirë nga flakët mesditën e sotme.

‘Fast Food’ ndodhet në rrugën e Elbasanit. Mësohet se shkak kanë qenë disa kabllo që janë përfshirë nga flakët.

Nga zjarri nuk pati të lënduar e ndërsa raportohet për dëme të vogla materiale.

Shqiptarja.com  11.04.2017

Një shtëpi është përfshirë nga flakët mesditën e kësaj të premteje, si pasojë e shpërthimit të bombolës së gazit. Ngjarja ka ndodhur në afërsi të Spitalit të Vlorës, ku ka shkaktuar dëme të konsiderueshme materiale.

Fatmirësisht në momentin e rënies së zjarrit nuk ka pasur njerëz në banesë. Zjarrfikëset kanë shkuar menjëherë në banesë ku kanë bërë të mundur shuarjen e flakëve të zjarrit.

Shqiptarja.com  10.03.2017

Një aksident është regjistruar mëngjesin e sotëm në aksin rrugor Milot-Laç, tek mbikalimi i Laçit, ku vdiq 19-vjeçari SH.H dhe mbetën të plagosur 5 persona.

Nga aksidenti kanë mbetur të plagosur B.K. 19 vjeç banues, D.S. 18 vjeç dhe B.H. 19 vjeç, të tre banues në Kosovë që udhëtonin në Golfin 07-473-CB ku 1 prej tyre ndodhet në Qendrën e Traumave në Tiranë kurse 2 të tjerë ndodhen në spitalin e Lezhës nën kujdesin e mjekëve.

Sh. H. 19 vjeç u dërgua në Spitalin e Traumës ku fatkeqësisht ndërroi jetë.

Gjithashtu i dëmtuar ka mbetur edhe drejtuesi i zetorit H.Z. 35 vjeç, banues në Krujë, i cili ndodhet në Qendrën e Traumave në Tiranë nën kujdesin e mjekëve.

Zetori doli nga një rrugë dytësore dhe i ndërpreu rrugën automjetit ku ndodheshin 4 shtetasit kosovarë.

Grupi hetimor në vendngjarje vazhdon hetimet për zbardhjen e plotë të shkaqeve të aksidentit.

Shqiptarja.com  09.03.2017

Ende pa rezultat kërkimet për trupat e tre minatorëve të mbetur të izoluar dje në minierën e Bulqizës pas një shpërthimi në nivelin 21 të galerisë.

Grupet e ekspertëve të kërkimit ende nuk kanë mbërritur në nivelin e minierës ku dhe ndodhi shpërthimi që dyshohet se i mori jetën tre minatorëve kinez. Veç tre minatoëve që deri tani dyshohet se kanë humbur jetën, mbeten te plagosur edhe tre minatorë të tjerë.

Të plagosurit u dërguan në spitalin e Bulqizës.

Ndërkohe nga pala shqiptare nuk ka dëme në njerëz dhe materiale.

Specialistët e Repartit të Inspektim Shpetimit të Minierave, ato të firmës Albchrome dhe ekspertë të aktualisht jane në nivelin e 17 ku sqarojnë se deri aty është pastruar i gjithë ajri nëpërmjet tubave të jashtme të ventilimit.

Paralelisht po punohet edhe për riparimin e pusit që do të bëjë të mundur zbritjen e ekspertëve dhe grupit hetimor në nivelin 21.

Gjithashtu mësohet se në seksionin e punimeve për pusin e ri, niveli 21, ku kompania Kineze ‘Xian Engineering’ e nënkontraktuar nga kompania ‘Albchrome’ po kryen punimet ka pasur një shpërthim gazi metani.

Grupet e shpetimit kanë mundur të shkojnë deri në nivelin e 14. Gjithashtu mësohet se në seksionin e punimeve për pusin e ri, niveli 21, ku kompania Kineze ‘Xian Engineering’ e nënkontraktuar nga kompania ‘Albchrome’ po kryen punimet ka pasur një shpërthim gazi metani.

Nga të dhënat paraprake mësohet se ngjarja ka ndodhur gjatë punimeve që po zhvillohen në kuadër të investimit për hapjen e pusit të thellësisë që do të shtojë jetëgjatësinë e kësaj zone mineralmbajtëse.

Investimi kryhet nga kompania koncesionare ‘Albchrome’, përmes kompanisë kineze ‘Wenzhou Mining Co Ltd’, e specializuar dhe nënkontraktuar nga koncesionari për këtë shërbim.

Menjëherë pas sinjalizimit të aksidentit nga shpërthimi i gazit të hidrogjenit, grupet e gatshme të avarive në ambientet e minierës kanë ndërhyrë ndërsa nga Tirana janë nisur zv.ministri z. Gëzim Musabelli, grupet e Repartit të Inspektim Shpëtim Minierave, drejtues të strukturave të mbikëqyrjes së minierave në Ministrinë e Energjisë dhe Agjencinë Kombëtare të Burimeve Natyrore.

Në përfundim të operacionit të kërkim-shpëtimit, strukturat përgjegjëse do të hartojnë raportin përkatës dhe analizojnë shkaqet e dinamikën e aksidentit të ndodhur.

Ora 14:40 Musabelli: Ndërhyrja në minierë, rrezik shpërthime të tjera
Kërkimi për tre minatorët e humbur praktikisht është bllokuar nga rreziku i një tjetër shpërthimi tjetër në minierën e Bulqizës.

Zëvendësministri i Energjetikës Gëzim Musabelli shpjegon se niveli i hidrogjenin të pus është ende shumë i lartë, gjë që mund të shkaktojë edhe një eksplozion tjetër, ndërkohë që deri tani kanë ndodhur tre shperthime.

Ai thotë se grupet e shpëtimit po përpiqen të ngrenë lartë çengelin kryesor të pusit, por strukturat kanë pësuar dëmtime të rënda dhe se ky proces paraqet rrezikshmëri shumë të lartë për momentin.

Musabelli thotë se çdo përpjekje e nxituar do të sillte humbje të tjera jetësh në pusin e minierës.

Sa për shkaqet e shpërthimit, Musabelli thotë se ato duhen analizuar në mënyrë të detajuar, që nga vendimi i grupit teknik të sigurisë së kompanisë kineze, i cili ka lejuar hyrjen e minatorëve në pus.

Ora 10: 30 Bedri Hoxha: Ekipet e kërkimit s’kanë pajisjet e duhura
Deputeti i Partisë Demokratike, Bedri Hoxha u shpreh në një lidhje telefonike për Report Tv se ekipet e kërkimit për gjetjen e tre minatorëve të bllokuar në minierë, nuk kanë pajisjet e duhura për të kryer operacionin në thellësi.

Sipas tij, miniera ka prezencë të madhe gazi, çka vështirëson depërtimin në thellësi.

Është e pamundur që me këto pajisje që kanë ekipet e kërkim shpëtimit, për t’u futur në thellësi të minierës për shkak të prezencës së madhe të gazit. Kjo do të hajë shumë kohë. Megjithatë, do të shohim sesi do të shkojnë ngjarjet sot“, u shpreh Hoxha.

I pyetur për fatin e tre minatorëve, Hoxha tha se situata është e paqartë, ndërsa u shpreh skeptik që ata të jenë gjallë.

Ajo që është problematike është mungesa e investimeve në miniera. Në të gjithë qarkun e Dibrës është në problem gangrenë. Edhe këto kontrolle që janë bërë nuk kanë për qëllim përmirësimin e kushteve të minierës, por për të goditur kompanitë e minierës”, tha deputet i PD.

Cupi: Qeveria të jetë më pranë  Bulqizës, Dibrës jo vetëm në ngjarje të tilla
Dhurata Cupi, deputetja e PD e kontaktuar nga Report Tv i ka bërë thirrje qeverisë që të ketë një përkujdesje më të madhe për Bulqizën, Dibrën jo vetëm në ngjarje të tilla. Ajo është shprehur se në bazë të informacione që ajo ka arritur të marrë, kushtet e punës në këtë minierë janë të mira ku kohët e fundit janë bërë investime se nuk mund të thuhet ende se arsyet e këtij shpërthimi.

Keta për Report TV: Janë ndërprerë kërkimet, sipas specialistëve minatorët kinezë kanë vdekur
Deputeti i PD Roland Keta në një lidhje telefonike për Report Tv ka deklaruar se sipas specialistëve 3 minatorët kinezë kanë humbur jetën pasi shpërthimi ka qenë tepër i fuqishëm. Ai shprehet se është tepër e vështirë që forcat e shpëtimit të deportojnë deri në nivelin 21. Sipas tij shpërthimi mund të ketë ndodhur si pasojë e një faktori të jashtëm  duke qenë se gazi metan nuk shpërthen pa shkak. Ai evidenton se kërkimet janë ndërprerë dhe do të rinisin sërish kur zona të pastrohet nga gazi.

Kryebashkiaku i Bulqizës Damsi: Nuk konfirmohet zyrtarisht vdekja e minatorëve kinez
Në një lidhje telefonike për Report Tv, kryebashkiaku i Bulqizës Damsi shprehet se nuk mund të konfirmohet zyrtarisht se tre minatorët e bllokuar prej disa orësh në minierë mund të kenë vdekur. Operacioni për gjetjen e tyre po vijon ende.

I pyetur për kushtet e punën në minierë, Damsi është shprehur se janë shumë të mirë, se janë bërë përmirësime nga dita në ditë. Gjithashtu ai u shpreh se minatorët kanë mbetur të bllokuar në nivelin e 21 dhe se aktualisht është e pamundur të futen specialistët.

Shqiptarja.com  06.02.2017

Ngjarja e ndodhur në rafinerinë e përpunimit të naftës në Ballsh ka shënuar një viktimë dhe 5 të plagosur. Ndërkohë që ngjarja pritet ende të zbardhet, reagimi i parë ka ardhur nga kompania koncesionare. Sipas IRTC shpërthimi ka ardhur nga një gabim njerëzor gjatë rivënies në punë të repartit të hidro-pastrimit që kishte dalë jashtë funksioni si pasojë e ndërprerjes së paparalajmëruar të energjisë.

Po sipas IRTC as linja rezervë e energjisë nuk ka funksionuar.  Ndërkohë Inspektoriati Shtetëror Teknik, i cili vazhdon të kryejë matje dhe analiza lidhur me situatën, për momentin është shprehur se ngjarja mund të ketë ndodhur si pasojë e një gabimi njerëzor si dhe mos respektimit të disa rregullave teknike.

Sipas burimeve, ISHTI ka treguar se gjatë kohës që po vihej në punë impianti i hidropastrimit është rritur presioni me hidrogjen 3 herë mbi normalen, ndërkohë që nuk ka funksionuar valvula e sigurisë.

Për sa i përket hetimit të aksidentit, SCAN ka mësuar se Prokuroria ka hapur një cështje me qëllim zbardhjen e ngjarjes. Në anën tjetër, lidhur me reagimin e Kryetarit të Sindikatës së Naftëtarëve të Ballshit, Kamber Veizaj, ai ka theksuar se është e rëndësishme që të rriten dhe të zbatohen të gjitha rregullat e sigurisë në punë.

Gjithsesi kompania koncesionare njofton se puna do të vazhdojë normalisht si në aspektin teknik ashtu dhe në atë financiar. Ndërkohë që aksidentet industriale nuk janë më një risi në Shqipëri, është e rëndësishme që të zgjerohet vazhdimisht legjislacioni i sigurisë në punë me të gjithë praktikat bashkëkohore.

Rreziku i përpunimit dhe aktivitetit prodhues në industrinë e nëntokës mbetet një ndër cështjet kryesore sot në botë. Aktualisht ligji LIGJI Nr. 10237, dt 18.2.2010 “PËR SIGURINË DHE SHËNDETIN NË PUNË”, përmban rregulla parandaluese të cilësuara dhe të shumta, por përditësimi i vazhdueshëm i tij nuk është asnjëherë i tepërt.

Siguria e punës dhe punonjësve, kryesisht në rastin e minierave dhe rafinerive, duhet të jetë objekt i shpeshtë i diskutimeve dhe vendimeve të ligjvënësve. Këto janë industri jo vetëm të rëndësishme për ekonominë, punësimin dhe investimet e vendit por mbi të gjitha për shëndetin e personave të angazhuar.

Scan Tv,  14.11.2016

Një punonjës i OSHEE në Vlorë ka humbur jetën pasi ka rënë nga muri ku po kryente punime me kabllo elektrike.

Ngjarja ka ndodhur mesditën e sotme rreth orës 12 në fshatin Grabian, ku Shyqyri Baraj, 23 vjeç për shkak të dëmtimeve të rënda është është shoqëruar menjëherë drejt spitalit rajonal për ndihmë mjekësore, par ka mbërritur i pajetë.

Policia ka mbërritur në vendngjarje dhe po vijon hetimet për sqarimin e rrethanave.

Shqiptarja.com  04.10.2016

Një 56 vjeçar ka humbur jetën në Kelmend të Malësisë së Madhe pasi ka rënë në kontakt me energjinë elektrike.

Sipas burimeve nga policia Menjëherë Leke Volaj, 56 vjeç, kishte hipur në shtyllën elektrike me iniciativën e tij për të bërë ndërhyrje në rrjet pasi kishte probleme me dritat.

Grupi hetimor në vendngjarje për veprime të mëtejshme.

Shqiptarja.com  22.08.2016