Eksklusive: Partneri i Shellit, mbas Shkodres probleme dhe gjate shpimit te pusit te naftes ne Berat!!!

Partneri 50%-50% i gjigandit Shell, kompania kanadeze Petromanas njoftoi perpara pak ditesh zhvillimet e fundit lidhur me shpimet e puseve te naftes ne Blloqet 2-3 ne Shqiperi.
Kompania ben me dije se pusi i naftes Shpirag-2 eshte aktualisht ne nivelin e pothuajse 5,200 metra, duke arritur strukturen e synuar karbonike. Sidoqofte, mbas nje kontrolli ne vrimen e pusit, kompania vuri re se sonda e pusit kishte ngecur per shkak te paqendrueshmerise se pusit. Aktualisht kompania ben me dije se po hapet nje “bypass” per te anashkaluar kete pengese.
Vetem mbasi “pusi dytesor” te kete arritur strukturen e synuar karbonike, kompania do te jape njoftime te perditesuara mbi prezencen ose mungesen e hidrokarbureve ne pusin Shpiragu 2 – Berat.
“Nepermjet te gjithe operacioneve te shpimit, Petromanas ka bashkepunuar ngushte me partnerin e saj SHELL dhe ka marre nje numer hapash per te parandaluar paqendrueshmerine gjate avancimit te shpimit te pusit”, tha Glenn McNamara, CEO i Petromanas. “Ne po vazhdojme te punojme per te gjetur zgjidhje ndaj sfidave qe po perballemi, ne menyre qe te shpojme kete pus nafte sipas thellesise totale te planifikuar dhe te marrim nje vleresim te plote te hidrokarbureve ne kete rezervuar”, shtoi ai.
Theksohet se Petromanas, mbasi shpenzoi rreth 6 milion dollare, mbylli ne fund te 2012 pusin e naftes qe hapi ne Juban – Shkoder, per mungese hidrokarburesh komercialisht te leverdisshme.

energjia.al, 15.02.2013