Kërkesa për arin ka rënë në nivelin më të ulët që prej krizës financiare, sipas Këshillit Botëror të Arit, ndërkohë që perspektiva për rritjen e normave të interesit ka bërë që investitorët të shohin për kthime më të larta te aktive të tjera.
Kërkesa botërore për metalin e çmuar arriti në një total prej 973.5 tonë në tremujorin e parë të 2018-ës, sipas raportit më të fundit të Këshillit, në rënie me 7% me bazë vjetore.
Rënia në kërkesë për metalin ka përkuar gjithashtu me qëndrimin e çmimeve në vargun më të ngushtë në një dekadë.
Organi tregtar që përfaqëson lëndën e parë, e lidhi këtë me rënien prej 15% të investimeve në shufrat e arit, në 265.9 tonë, ndërkohë që investitorët në SHBA, Kinë dhe Gjermani janë përmbajtur.
Ndërkohë, vetëm 32.5 tonë ar në vlerë ka hyrë në fondet e listuara në bursë (ETF) që ndjekin metalin në tremujorin e parë. Kjo shënon një rënie me rreth 60% krahasuar me tremujorin e parë 2017.
Konsumi i bizhuterive ra gjithashtu me 1% në fillim të 2018-ës. India, konsumatori i dytë më i madh në botë i bizhuterive në ar pas Kinës, raportoi tremujorin më të dobët që prej vitit 2008, me një rënie prej 12% në 87.7 tonë.
Kërkesa për ar, që është parë gjithnjë si një aktiv i sigurt gjatë periudhave të stresit ekonomik, ishte rritur ndjeshëm në tremujorin e parë 2017, prej pasigurive gjeopolitike. Megjithatë, së fundmi, metali i çmuar është tregtuar në një varg të ngushtë prej 1,300-1,350 dollarë për onz.
Norma spot e arit u rrit ne me 0.3% në 1,308.5 dollarë për onz drejt fundit të kësaj jave, përpara takimit të shumëpritur të Sekretarit amerikan të Thesarit, Steven Mnuchin, me zv/ kryeministrin kinez, Liu He, në një kohë të konflikteve tregtare.
Scan Tv, 04.05.2018