Maqedoni: Benzina shtrenjtohet për 2,5, ndërsa dizeli për 1,5 denarë për litë
Benzina prej sonte në mesnatë shtrenjtohet për 2,5 denarë, ndërsa dizeli për 1,5 denarë për litër, vendosi sot Komisioni Rregullator për Energjetikë (KRRE).
Me vendimin bëhet rritja e çmimeve të derivateve të naftës të rafineruara dhe çmimeve me pakicë mesatarisht për 3,45 gjegjësisht për 2,43 për qind.
Çmimi i ri me pakicë i EUROSUPER BS-95 arrin 88,5 denarë për litër, ndërsa EUROSUPER BC-98 do të shitet për 90 denarë për litër. Çmimi i EURODIZELIT (D-E V) do të arrijë 74,5, ndërsa vaji Ekstra i lehtë për amvisëri (EL-1) 63 denarë për litër.
Me vendimin të KRRE-së për 1.042 denarë për kilogram rritet edhe çmimi me pakicë i mazutit M-1 NS i cili tani do të shitet për 47,237 denarë për kilogram.
Si arsye për rritjen e çmimeve me pakicë të derivateve të naftës nga KRRE theksojnë çmimin mesatar më të lartë për 5,07 për qind të naftës së papërpunuar në 14 ditët e kaluara dhe për 1,16 për qind kursin më të ulët të dollarit në krahasim me denarin.
www.zhurnal.mk, 27.08.2012