TAP do lehtësojë kalimin nga qymyri tek gazi në Ballkanin Perëndimor

Gazsjellësi Trans Adriatik do të lehtësojë kalimin nga qymyri tek gazi në Ballkanin Perëndimor. Kjo është theksuar në raportin e fundit të Bankës Europian për Rindërtim dhe Zhvillim (BERZH). Aktualisht, termocentralet me qymyr përbëjnë një pjesë të rëndësishme të energjisë elektrike të rajonit dhe si rezultat dioksidi i karbonit është tre herë më i lartë se mesatarja e BE.

Sipas raportit të BERZH, rajoni i Ballkanit Perëndimor duhet të kalojë nga qymyri tek hidroenergjia, energjia e rinovueshme dhe gazi për të reduktuar kontaminimin.

“Ndërtimi i gazsjellësit Trans Adriatik, i cili do të sjellë rreth 10 miliardë metra kub gaz nga Azerbajxhani, do të hapë mundësi të reja për kalimin e rajonit nga qymyri në gaz”, thuhet në raport.

TANAP dhe TAP janë projektet më me pak emetim të karbonit, pasi gazsjellësit janë hartuar në përputhje me kërkesat e Bashkimit Europian dhe BERZH. Ndërkohë, BERZH ka ndaluar financimin e projekteve të qymyrit.

Scan,  06.12.2018