Stuhi tropikale. Bllokohet prodhimi i naftës në SHBA
Shi i dendur dhe erëra të forta goditën LaFource Parish në pjesën jugore të Luiziana ndërsa stuhia tropikale Lee vazhdoi rrugën e saj përgjatë Gulf Coast. Shpëjtësia e erës arriti në 80 km në orë e shkaktoi përmbytje në të gjithë rajonin bregdetar. Rreshjet e shkaktuara nga Lee pritet të zgjasin dhe gjatë ditëve në vijim e masa për tu përballur me shiun e dendur janë marrë dhe në New Orleans.
Valët e baticës së stuhisë shkaktuan përmbytje dhe në zonat bregdetare të Luizianas, Misisipit dhe Alabamas ndërsa stuhia pritet të kalojë më në juglindje të vendit. Ndonëse ee nuk është ndër stuhitë më të fuqishme që kanë goditur rajonin këtë vit masat paraprake cuan në përgjysmimin e prodhimit të naftës. Të paktën 60 për qind e rafinerive të naftës të SHBA në det, të gjitha të vendosura në Gjirin e Meksikës si dhe rreth 55 për qind e uzinave të prodhimit të gazit janë mbyllur që nga e premtja.
Puna në gjirin e Meksikës do të rifillojë javen e ardhshme pas kalimit të stuhisë.
TV Albanian Screen, 04.09.2011