info@energjia.al

Këshilli Kombëtar i Territorit ka miratuar të paktën 16 vendime të reja në takimin e fundit, që sipas rendit të ditës është mbajtur në datë 10 nëntor. Ajo që bie në sy është miratimi i një sërë projekteve të reja në ndërtim, si dhe disa hidrocentrale.

Konkretisht janë miratuar dy leje zhvillimore, për kompaninë Invest Society sh.p.k  ku e para është një godinë Polifunksionale Europiane Blloku, si dhe një godinë Polifunksionale “West Residence”, me vendndodhje në Rrugën “Ibrahim Rugova” në Tiranë.

Përveç këtyre, këshilli ka miratuar një leje ndërtimi për “Godinë polifunksionale 2, 4, 16 dhe 24 kate “Garden Building”, me vendndodhje në Rrugën e Kavajës, me subjekt zhvillues shoqërinë “Tirana 1 Konstruksion” sh.p.k.

Hidrocentrale të reja dhe ekzistues

Në axhendën e Këshillit Kombëtar të Territorit duket se kanë qenë edhe katër hidrocentrale të rinj, për të cilët u dhanë lejet e ndërtimit. Konkretisht u miratua leje Ndërtimi për hidrocentralin “Kalis”, në ujërat e rrjedhës së lumit të Shmilit, degë e lumit Shkumbin”, Bashkia e Librazhdit, Qarku i Elbasanit”, me subjekt zhvillues shoqërinë “Erdy Energy” sh.p.k.

Një leje ndërtimi  u dha për objektin: “Ndërtimi i burimit të ri gjenerues të energjisë, hidrocentralit “Antena”, në lumin e Zallittë Shtamës, Bashkia Mat, Qarku i Dibrës”, me subjekt zhvillues shoqërinë “Derbi – E” sh.p.k. Po kështu ndërtimi për objektin: “Ndërtimi i burimit të ri gjenerues të energjisë, hidrocentralit “Letaj”, në përroin e Thekrës dhe në dy degët e tij, Bashkia e Bulqizës, Qarku i Dibrës”, me subjekt zhvillues shoqërinë “Asi-Tre” sh.p.k si dhe  ndërtimi i hidrocentralit “Kamenica”, në përroin e Kamenicës, degë e lumit Dunavecit, degë e lumit Devoll, Bashkia e Korçës, Qarku i Korçës”, me subjekt zhvillues shoqërinë “Favina 1” sh.p.k.

Për hidrocentralin Sekë dhe Zais në pellgun ujëmbledhës të lumit të Urakës dhe zallit të Melthit, në Bashkinë e Matit, Qarku i Dibrës dhe Bashkinë e Mirditës, Qarku i Lezhës është dhënë leje zhvillimi.

Për hidrocentralin “Dragobia”, Komuna Margegaj, Qarku i Kukësit”, me subjekt zhvillues shoqërinë “Dragobia Energy” sh.p.k është bërë shtyje e lejes ekzistuese.

Revista Monitor,  14.11.2017

Më poshtë lista e plotë e vendimeve të marra nga KKT (16 tetor 2017)

  1. Për miratimin e Planit të Përgjithshëm Vendor të Bashkisë Vlorë.
  2. Për miratimin e Planit të Përgjithshëm Vendor të Bashkisë Himarë.
  3. Për miratimin e Planit të Përgjithshëm Vendor të Bashkisë Sarandë.
  4. Për miratimin e Planit të Përgjithshëm Vendor të Bashkisë Konispol.
  5. Për miratimin e Planit të Përgjithshëm Vendor të Bashkisë Shkodër.
  6. Për miratimin e Planit të Përgjithshëm Vendor të Bashkisë Lezhë.
  7. Për miratimin e Planit të Përgjithshëm Vendor të Bashkisë Rrogozhinë.
  8. Leje Zhvillimi për rikualifikimin në zonën urbane pranë qendrës së qytetit Vlorë, restaurimin e monumenteve të kulturës në këtë zonë dhe rikonstruksion I objekteve të tjerë ekzistues, me subjekt zhvillues Bashkia Vlorë.
  9. Leje Ndërtimi Infrastrukture për: “Rehabilitimi i Rrugës së Lumit të Vlorës, Aksi Selenicë-Kuç-Qeparo”, me subjekt zhvillues Fondi Shqiptar i Zhvillimit.
  10. Leje Ndërtimi Infrastrukture për: “Rikonstruksioni i Rrugës Shkodër-Velipojë”, me subjekt zhvillues Bashkia Shkodër.
  11. Leje Ndërtimi Infrastrukture për: “Rikonstruksion i Rrugës Fushë-Krujë- Thumanë, Bashkia Krujë”, me subjekt zhvillues Bashkia Krujë.
  12. Leje Zhvillimi për objektin: “Terminali i autobuzave Korçë”, Bashkia Korçë, me subjekt zhvillues Bashkia Korçë.
  13. Leje Zhvillimi për ndërtimin e objektit: “Terminali i Autobuzeve, Fier”, me vendndodhje në Bashkia Fier, me subjekt zhvillues Bashkia Fier.
  14. Leje Ndërtimi për objektin: “Zona Jet A1 për Magazinimin e Karburantit dhe Sistemin e Shpërndarjes, AEROPORTI NËNË TEREZA (TIA)”, shoqëria “A&V – Gas” sh.p.k.
  15. Leje ndërtimi për objektin: “Ndërtimi dhe administrimi i Impiantit të Trajtimit të Mbetjeve urbane të qarkut Fier dhe prodhimin e energjisë”, me subject zhvillues shoqërinë Integrated Technology Ëaste Treatment Fier.
  16. Leje ndërtimi për objektin: “Fabrika e pasurimit të bakrit dhe venddepozitim I masës sterile, Spaç, Bashkia Mirditë”, me subjekt zhvillues shoqërinë “TETE ALBANIA TUNNEL & MINING” sh.p.k.
  17. Leje Ndërtimi për objektin: “Ndërtimi i Hidrocentralit Osojë, Bashkia Maliq”, me zhvillues shoqërinë “Favina” sh.p.k.
  18. Leje Ndërtimi për objektin: “Ndërtimi i Hidrocentralit Goricë, Bashkia Maliq”,me zhvillues shoqërinë “The Blue Star” sh.p.k.
  1. Leje Ndërtimi për objektin: “Ndërtimi i Hidrocentralit Murasi, Bashkia Malësi eMadhe”, me zhvillues shoqërinë “Mateo&Co” sh.p.k.
  1. Leje për shtyrjen e afatit të Lejes së Ndërtimit për objektin “Ndërtimi i hidrocentralit “Stavec”, me subjekt zhvillues shoqëria “Koka & Ergi Energy Stavec”sh.p.k.
  1. Leje për miratimin e ndryshimeve në projekt gjatë ndërtimit dhe shtyrjen e afatit të Lejes së Ndërtimit për objektin “Ndërtimi i hidrocentralit Kabash Porocan”, me subjekt zhvillues shoqëria “Heci-i Kabash Porocan” sh.p.k.
  2. Për miratimin e ndryshimeve në projekt gjatë ndërtimit për objektin: “Hidrocentralet “German 1”, “German 2”, “German 3” dhe “German 4”, me vendndodhje në përroin Zalli i Germanit, qarku Dibër”, me subjekt zhvillues shoqërinë koncësionare “SA’GA-MAT” sh.p.k.
  3. Leje zhvillimi për objektin “Kompleks Turistik në parcelën 5 dhe 6a, zona kadastrale 2297, në zonën turistike Ksamil, Sarandë”, me subjekt zhvillues shoqëria “Boiken” sh.p.k.
  4. Leje Zhvillimi për objektin: “Kompleks banimi, shërbimi dhe prodhimi për komunitetin Iranian në Shqipëri”, me vendndodhje në Manëz, Bashkia Durrës, me subjekt zhvillues shoqata “F.A.R.A”.
  1. Leje për shtyrjen e afatit të Lejes së Ndërtimit për objektin: “Ndërtimi i Kompleksit Turistik “41˚N19˚E”, në fshatin Shetaj, Komuna Ishëm, Qarku Durrës, me subjekt zhvillues shoqëria “MËPlan” sh.p.k.
  2. Leje Zhvillimi për objektin: “Kompleks Turistik, Hoteleri dhe Shërbime, me vendndodhje në Jalë, Bashkia Himarë”, me subjekt zhvillues shoqëria “Soleil & Sea” sh.p.k.
  3. Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 22.02.2017 deri më tani, sipas Vendimit Nr. 1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vedore”, i ndryshuar.

Revista Monitor,  17.10.2017

Tregjet botërore të naftës kanë shkelur në heshtje një pengesë të rëndësishme teksa ato ranë gati 30 për qind në nën 30 dollarë për fuçi në javët e para të 2016, duke kaluar linjën e mjegullt që ndan përgjigjen racionale ndaj bazave nga një frikë e paarsyeshme, ku e vetmja rrugë e së ardhmes është rënia, rënia, rënia.

Kjo shënon një ndryshim nga shumica e 18 muajve të fundit, kur prejardhja e gjatë e naftës nga 100 dollarë për fuçi është perceptuar gjerësisht si një rregullim shpesh i dhimbshëm, ndonjëherë i trazuar ndaj një baze ‘të re normale’, në të cilën OPEC nuk do e reduktojë më furnizimin e tij, duke lënë që të jenë nxjerrësit amerikane teshistit argjilor ata që do të balancojnë tregun.

Procesi ka marrë më shumë kohë se sa pritej teksa firmat e shistit argjilor dëshmuan jashtëzakonisht të shkathët, duk e reduktuar kostot dhe shpimet në pikat kyce në mënyrë që të vijonin me prodhimin e bollshëm të naftës. Teksa ata bënin këtë, çmimet iu dre j tuan niveleve mmë të ulëta, për herë të parë në verë dhe përsëri këtë muaj.

Por tani gjërat kanë shkuar shumë larg. Të dhënat e ditës së sotme ka të ngjarë të tregojnë se fondet e mëdha dhe spekulatorët në tregun e naftës amerikane kanë shtuar ‘shitjet e shkurtra’(shitja e aksioneve që nuk zotërohen ende) që kanë dyfishuar në një rekord 200 milion fuçi gjatë tre muajve të fundit.

Të paktë janë tregtarët që presin rimëkëmbje të shpejtë nga rënia e këtij viti si pasojë e presionit të tepricës së thellë të furnizimit dhe shenjave të dobësisë ekonomike në Kinë – konsumatori nr. 2 i naftës në botë.

Revista Monitor, 22.01.2016

Zëvendës kryeministri i Republikës së Kosovës, Hashim Thaçi deklaroi gjatë fjalimit të tij në OKB, se gjiganti metalurgjik, Trepça është pasuri dhe përgjegjësi e Kosovës.

“Institucionet e Kosovës kanë marrë një vendim që të gjejnë zgjidhje në përputhje me ligjet e Kosovës dhe me pëlqimin e Kombeve të Bashkuara. Trepça është e jona dhe ne vendosim për Trepçën”, ka deklaruar ai, transmeton Zëri.

Në fjalën e tij para përfaqësuesve të shteteve anëtare të Këshillit të Sigurimit të OKB-së, zëvendëskryeministri Thaçi prezantoi zhvillimet kryesore politike dhe ato që kanë ndodhur në Kosovë, jo vetëm në tre muajt e fundit, por në shtatë vitet e pas pavarësisë.

“Më lejoni të ritheksoj se në këto 7 vite, Republika e Kosovës, falë vullnetit dhe përkushtimit të popullit, politikës dhe komunitetit ndërkombëtar, ka ndërtuar shoqëri multietnike dhe institucione demokratike, të qëndrueshme dhe si rezultat i kësaj, Kosova është bërë faktor i paqes dhe eksportues i stabilitetit në rajon dhe më gjerë”, ka theksuar Thaçi.

Ai më tej ka shtuar se përvjetori i shtatë i pavarësisë, e gjen Kosovën si shtet të konsoliduar, brenda dhe jashtë, derisa procesi i njohjes ka treguar se shteti i Kosovës është një realitet i pakthyeshëm dhe një faktor i domosdoshëm i paqes dhe i stabilitetit në rajon.

Zëvendëskryeministri Thaçi ka informuar përfaqësuesit e shteteve anëtare të Këshillit të Sigurimit edhe për organizimin e samitit të radhës të Ballkanit Perëndimor, ku në muajin mars Republika e Kosovës do të jetë mikpritëse e 6 ministrave të jashtëm të Ballkanit, përfshirë të Serbisë, ku do të flitet për projekte të përbashkëta investive. Ai ka folur edhe për implementimin e marrëveshjeve të arritura në procesin e normalizimit të marrëdhënieve me Serbinë, ku ka pas disa përparime të prekshme.

Megjithatë, zëvendëskryeministri Thaçi ka akuzuar Serbinë për vonesat në zbatimin e marrëveshjeve të Brukselit dhe kjo tregon se Serbia ende nuk ka hequr dorë nga synimet dhe ndërhyrjet në punët e brendshme të Kosovës. Po ashtu, Thaçi ka përmendur edhe raportin e botuar javën e kaluar nga organizata e famshme serbe, Fondi për të Drejtën Humanitare, që akuzon shefin e tashëm të ushtrisë serbe për krime mizore në Kosovë gjatë vitit 1999 dhe për fshehje të trupave të civilëve kosovarë të vrarë nëpër varreza në Serbi.

Zëvendëskryeministri Thaçi ka ritheksuar se Qeveria e Kosovës do të vazhdojë të mbetet fuqishëm e përkushtuar për normalizimin e plotë të marrëdhënieve ndërshtetërore me Serbinë dhe për vazhdimin e dialogut që synohet të finalizohet më njohjen e ndërsjellë.

“Kosova, si pjesë e Ballkanit Perëndimor dhe zonës Euro-Atlantike, do të vazhdojë procesin e integrimit në Bashkimin Evropian si prioritet shtetëror në funksion të zhvillimit dhe transformimit shoqëror, ekonomik dhe politik të Kosovës”, ka theksuar ai.

Dëshmi kryesore e suksesit të brendshëm të Kosovës, sipas zëvendëskryeministrit Thaçi, është përfundimi me sukses i negociatave për Marrëveshjen e Stabilizim-Asociimit me Bashkimin Evropian.

“Është ky pranim i përparimit substancial që Kosova ka bërë në rrafshin e ekonomisë, demokracisë dhe të sundimit të ligjit. Jemi përkushtuar për një agjendë dinamike legjislative dhe ekzekutive që duhet ta dërgojë vendin drejt anëtarësimit në NATO dhe BE”, ka shtuar Thaçi.

Në fjalimin e tij, zëvendëskryeministri Thaçi ka kërkuar sërish ridefinimin e rolit të Kombeve të Bashkuara në Kosovë.

“Duke vlerësuar arritjet e Kosovës në fushën e sigurisë dhe të stabilitetit ekonomik, social dhe politik, si dhe duke theksuar marrëveshjen e arritur në mes të Kosovës dhe Serbisë, i nderuar zoti President, është koha që Këshilli i Sigurimit të konsiderojë mundësinë për një UNMIK të transformuar, që duhet ta ndihmojë Kosovën për t’u anëtarësuar në Agjencitë e Specializuara dhe kërkojmë nga Këshilli i Sigurimit të ndihmojë Republikën e Kosovës në realizimin e aspiratave për t’ju bashkuar Kombeve të Bashkuara në të ardhmen”, ka theksuar Thaçi.

Gazeta Zëri,  07.02.2015

Xhandarë serbë të uniformuar sërish janë futur në territorin e Kosovës në pjesën e Karaçevës.

Por, kësaj radhe jo për të provokuar shqiptarët, por për të marrë shtyllat elektrike, që ata pandehin se janë të vetat.

Selver Lenjani, udhëheqës i fshatit Karaçevë, ka thënë nëpërmjet telefonit se nuk do të lejojnë që këto shtylla të merren, ngase siç ka thënë ai, ato gjenden në territorin e Kosovës.

Ai ka thënë që për këtë gjë të ketë njoftuar kryetarin e Komunës së Dardanës, Begzad Sinani, sikurse edhe forcat e KFOR-it.

Gazeta Zëri,  06.02.2015

Kompania Kosovare për Distribuim dhe Furnizim me Energji Elektrike– KEDS, nuk ka arritur që të shtrihet në tërë vendin as pas një viti të operimit në Kosovë. Qytetarët e veriut të Mitrovicës edhe më tutje vazhdojnë që faturat e energjisë elektrike t’i pranojnë nga operatorët e Serbisë.

Zëdhënësi i KEDS-it, Guri Shkodra vlerëson se mosfaturimi i energjisë elektrike në veri është problem politik shkruan Koha Ditore.

Ai thotë se KEDS nuk është pjesë e negociatave në mes Beogradit dhe Prishtinës dhe për këtë nuk mund të komentojë hapat që duhet të ndërmerren për faturimin e rrymës edhe në atë pjesë të Kosovës.

“Momentalisht, Kosova dhe Serbia janë në fazën e finalizimit të marrëveshjes së implementimit. KEDS nuk është pjesë bisedimeve ndërmjet Serbisë dhe Kosovës dhe nuk mund të komentojë në lidhje me borxhet edhe për shkak të mungesës së informatave”.

Shkodra ka thënë se si ndërmarrje private, KEDS është në kontakt të vazhdueshëm me ekipet negociatore për ta tejkaluar këtë problem. Ai ka thënë se janë në pritje për t’i ndërmarrë hapat e ardhshëm.

Portali Telegrafi,  27.08.2014

Së shpejti nis ndërtimi i gazsjellësit TAP në Shqipëri, por para kësaj do të bëhet shpronësimi dhe kompensimi i pronarëve të tokës. “Shekulli” publikon detaje se, ku kalon dhe cilat janë efektet e këtij projekti te jeta e banorëve të këtyre fshatrave.

Qeveria jep lejen

Këshilli Kombëtar i Territorit (KKT), i cili u mblodh dje nën drejtimin e Kryeministrit Edi Rama, miratoi lejen zhvillimore komplekse të Fazës 1 për Gazsjellësin Trans Adriatik (TAP), propozuar nga Ministria e Ekonomisë dhe Energjetikës. Aprovimi nga KKT është një prej lejeve më të rëndësishme që i jepet TAP AG, përmes të cilës kompania fillon aktivitetet e ndërtimit për Gazsjellësin Trans Adriatik. Ky aprovim do të ndiqet nga një fazë e dytë gjatë së cilës pritet të bëhet aprovimi i Lejes Komplekse Zhvillimore nga Ministria e Energjisë dhe Industrisë në pjesë, sipas të gjitha seksioneve dhe fazave të zhvillimit të sistemit të gazsjellësit TAP. Aktivitetet e ndërtimit do të nisin me rehabilitimin dhe ndërtimin e rrugëve dytësore dhe urave në Shqipëri, duke nisur nga viti 2015. Leja është aprovuar mbi bazën e vendimit të KKT-së për Planit Sektorial Kombëtar për Projektin TAP të datës 4 korrik 2013. TAP do të transportojë gaz natyral nga fusha gjigante e Shah Deniz II në Azerbajxhan për në Evropë. Gazsjellësi i gjatë përafërsisht 870 km do të lidhet me Gazsjellësin Trans Anatolian (TANAP) pranë kufirit greko-turk në Kipoi, do të përshkojë Greqinë, Shqipërinë dhe Detin Adriatik përpara se të arrijë në brigjet e Italisë jugore.

Tokat dhe pyjet që kompensohen

Projekti do të kërkojë zënien e përhershme të tokës për instalimet mbi sipërfaqe, p.sh. stacionet e kompresorëve, stacionet e valvulave të bllokimit, si dhe për rrugët që do të ndërtohen të reja ose ato që do të përmirësohen. Në total toka që do të merret për projektin TAP, sipas studimit të paraqitur qeverisë nga TAP AG, përbën një sipërfaqe afërsisht 73 ha për instalimet mbi tokë dhe rreth 140 ha për rrugë të reja ose të përmirësuara. Kjo zënie e tokës prek kryesisht toka bujqësore dhe pyje. Përveç kësaj, do të kërkohen edhe vende për depozitimin e gurëve të thërrmuar dhe tepricat nga gërmimet në seksionet malore. Pronarët aktualë të tokës do të kompensohen me vlerën e zëvendësimit (vlera e tregut plus kosto të mundshme të transaksioneve). Në bazë të marrëveshjeve, pronësia e disa rrugëve të reja që do të ndërtohen mund t’i kalohet administratës publike. Ndërtimi i gazsjellësit kërkon zënie të përkohshme të tokës në një sipërfaqe totale prej afërsisht 800 ha, e cila është rezultat i brezit të punimeve, shesheve të tubave dhe kampeve, etj. Niveli i shpyllëzimeve që kërkohen gjatë fazës së ndërtimit varion sipas rretheve, por në total janë 235 ha pyje që do të duhet të priten, sipërfaqe e cila përbën 30% të gjithë tokës që do të përdoret brenda brezit të punimeve.

Pas përfundimit të ndërtimit, do të ndërmerret rikthimi në gjendjen e mëparshme dhe mbjellja e pemëve përgjatë gjurmës së gazsjellësit, në përputhje me Planin e Rimëkëmbjes së Zonës dhe Planin e Menaxhimit të Peizazhit të projektit TAP. Për masat e rimëkëmbjes do të bihet dakord me pronarët ose përdoruesit e tokës dhe administratën lokale. Masat e mbrojtjes nga erozioni do të aplikohen siç kërkohen, do të rivendoset në gjendjen e mëparshme kullimi i tokës dhe do të riparohen sistemet e ujitjes apo rrugë e rrugica të zonës, nëse janë dëmtuar gjatë ndërtimit. Për të zgjidhur çështjet që lidhen me tokën dhe në veçanti me kompensimin e saj, TAP AG ka hartuar një Strategji për Blerjen e Tokës dhe Servitutin dhe një projekt Plan për Aksesin në Tokë. Sipas këtij plani, pronarët e tokës do të kompensohen për humbjet dhe dëmet e shkaktuara gjatë ndërtimit. Këtu përfshihen ndër të tjera, humbje të strukturave (p.sh. serra), të mbjella të përhershme dhe humbje të prodhimit bujqësor, etj. Kompensimi për zënien e përhershme apo të përkohshme të tokës do të kryhet sipas legjislacionit shqiptar dhe financohet nga BERZH-i. TAP AG do të komunikojë me pronarët e përdoruesit privatë dhe publikë, si dhe do të lidhen marrëveshje mbi blerjen e tokës dhe të drejtat e servitutit shumë kohë para se të fillojë ndërtimi. Shoqëria TAP është duke identifikuar aktualisht pronat që ndikohen dhe çmimet përkatëse të tregut, të cilat do të përdoren si referencë për transaksionet përkatëse për tokën. Kufizimet e përdorimit të tokës Pronësia e tokës përgjatë gjurmës së gazsjellësit nuk do të ndryshojë, gjithsesi toka do t’i nënshtrohet servitutit, gjë e cila do të kufizojë disa përdorime në të ardhmen nga ana e pronarëve të tokës.

Kjo përfshin mbrojtjen e përhershme të brezit të gazsjellësit në një gjerësi 8m, ku nuk do të lejohet mbjellja e pemëve apo bimëve të përhershme me rrënjë të thella, për të mbrojtur paprekshmërinë e gazsjellësit. Sipas studimit që gjendet në dosjen për lejen zhvillimore të TAP AG, afërsisht 100 ha tokë bujqësore do t’i nënshtrohet këtij kufizimi. Punimet bujqësore me të mbjella njëvjeçare do të vazhdojnë pa problem pasi të jetë shtruar tubacioni, pasi mbulesa minimale mbi tubacion do të jetë jo më pak se 1 m. Pemë frutore etj. mund të mbillen sërish në brezin e punimeve gjatë procesit të rimëkëmbjes, por brezi i përhershëm për mbrojtjen e gazsjellësit duhet të ruhet i paprekur. Ky servitut mbi tokën do të kompensohet nga TAP AG. Kufizimi i ndërtimeve Përdorimi i tokës do të kufizohet edhe për zonat e sigurisë që do të kërkohen. Nuk do të lejohet ndërtimi i asnjë lloj ndërtese brenda një distance 20 m nga gazsjellësi (zona e sigurisë). Midis distancës 30 dhe 200 m nga gazsjellësi (zona e zgjeruar e sigurisë), do të lejohen vetëm ndërtesa njëkatëshe, ndërsa projektet për ndërtime të planifikuara ( të tilla si projekte zhvillimi të hartuara nga bashkitë) janë të kufizuara të mos jenë afër më shumë se 200 m nga gazsjellësi.

Pronësia mbi tokën

Sipas studimit të TAP, toka e pyllëzuar në zonën e studimit është një përzierje e sipërfaqeve në pronësi publike (d.m.th. në pronësi të shtetit, por të menaxhuara nga komuna), sipërfaqe në pronësi private dhe atyre të mbrojtura. Raste të sipërfaqeve pyjore në pronësi private u deklaruan në rrethin e Korçës dhe atë të Devollit në rrëzë të malit Morava. Sipas ndarjes së tokës në fillim të viteve ’90, gjithë toka bujqësore ishte privatizuar dhe çdo familje kishte marrë në pronësi nga 1.5 deri në 5 ha tokë në disa parcela të ndryshme. Brenda zonës së studimit janë disa zona që kanë tokë shumë pjellore, të cilat janë ndarë në shumë parcela të vogla. Kjo është vënë re në zonën e kultivimit të mollëve në komunat Pojan, Progër dhe Bilisht në rrethet e Korçës e Devollit ku parcelat janë afërsisht 400 m të gjata dhe 50 m të gjera. Niveli i pronësisë mbi tokën është i lartë përgjatë zonës së studimit dhe nga 80% deri 100% të personave që u përgjigjën gjatë studimit, deklaruan se, ata e kishin në pronësi tokën që përdornin.

Ndërkaq u vërejtën probleme lidhur me dokumentacionin e pronësisë mbi tokën. Pronësia u diskutua në 12 takime me grupet e përfshira drejtpërdrejt në këtë aktivitet me pjesëmarrje të fermerëve, përveç ngritjes së këtij problemi në takime me komunitetin. Në Fier u deklaruan raste kur disa persona kishin marrë dokumentet e pronësisë në mënyrë që ta shisnin tokën e tyre dhe kishin zbuluar se dokumenti i pronësisë nuk përkonte me sipërfaqen e tokës që ata mendonin se e zotëronin. Kjo u raportua si një problem dhe si burim konflikti midis fqinjëve. Përveç problemeve që lidhen me dokumentet e titujve të pronësisë mbi tokën, shumë nga familjet e përfshira në studim deklaruan se kishin pasur në pronësi tokë para vitit 1945, e cila u ishte marrë gjatë komunizmit, por nuk u ishte rikthyer në vitet ’90. Numri më i lartë i familjeve të përfshira në studim, që deklaruan se kishin patur tokë në pronësi para vitit 1945, u vërejt në Skrapar (68% e familjeve të përfshira në studim) pasuar nga Devolli (50%), Berati (38%), Korça (36%) dhe Fieri (31%).

Shtrirja e tubacionit, nga kufiri deri në Adriatik

Gjurma e gazsjellësit shtrihet nga kufiri shqiptar-grek, kalon Stacionin e Kompresorëve në Bilisht, përmes një pllaje në lartësi ndërmjet 800 m dhe 900 m mbi nivelin e detit dhe kryesisht përmes tokave bujqësore në pellgun ujor të lumit Devoll. Tubacioni kalon lumin Devoll dhe vazhdon paralelisht me një linjë të tensionit të lartë dhe më pas kryqëzohet me një rrugë kryesore. Kjo pasohet nga disa kryqëzime me përrenj dhe me rrugë. Rruga kryesore Tiranë – Korçë do të kalohet nëpërmjet një metode pa hapjen e kanalit. Më tej gjurma shtrihet përreth kreshtës së malit të Moravës dhe ndjek pellgun ujor të lumit Devoll për të filluar ngjitjen gradualisht. Këtu ka shpate me pjerrësi mesatare dhe shpate anësore. Tubacioni i gazit do të kalojë në jug të Rezervuarit të Gjançit dhe vazhdon përmes kreshtave malore të ndryshme e përmes luginave, duke u ngjitur. Në këtë seksion gjurma e gazsjellësit ndjek për rreth 14 km vijën e Potomit, e cila është përzgjedhur për të shmangur masivin e malit të Ostrovicës.

Fillimi i punës nga ana lindore e gjurmës së Potomit do të bazohet në ndërtimin e rrugëve hyrëse të përkohshme dhe të përhershme, të cilat duhet të fillojnë më përpara dhe të përfundojnë në kohë. Gjurma e gazsjellësit shtrihet më tutje përgjatë anës veriore të masivit malor qendror. Lumi Osum do të kalohet disa herë, pjesërisht ose paralel me shtratin e lumit aktiv. Në zonën ku anashkalohet qyteti i Beratit, gjurma e gazsjellësit kryqëzohet me plantacione të shumta, në disa raste me me ullinj, duke bërë të domosdoshme përshtatje të vogla, për të minimizuar çdo ndikim mbi natyrën. Kapërcehet sërish shtrati i gjerë i lumit Osum bashkë me fushën që ndodhet në anë të lumit dhe që përmbytet prej tij. Më pas gjurma vijon nëpër tokë tërësisht bujqësore dhe kalon pranë disa guroreve të gurit gëlqeror, përmes një terreni pak a shumë kodrinor, me shpate të pjerrëta herë pas here, derisa arrin në fushën e Myzeqesë, ku kalon në veri të zonave industriale të vendburimit të naftës Patos – Marinëz, ku kapërcen lumin Seman. Më pas ajo kalon zonën e vendburimeve të naftës, që shfrytëzohen nga kompania Bankers Petroleum Albania. Gjurma e gazsjellësit kalon përmes një toke tërësisht bujqësore në fushën e Semanit, derisa kalon lumin Seman ndërmjet dy argjinaturave. Autostrada Tiranë – Fier kalohet pa hapjen e kanalit, duke përdorur metodën e shpimit, po ashtu edhe hekurudha. Edhe kryqëzimi me lumin Seman është planifikuar pa hapjen e kanalit. Gjurma e gazsjellësit kalon përmes një toke tërësisht bujqësore deri ku ajo kapërcen kanalin e madh vaditës. Stacioni i Kompresorëve në Fier është planifikuar të instalohet në perëndim të Fierit. Deri në zonën e daljes në det gazsjellësi do të kalojë përmes tokave me rërë të imët dhe në disa raste me dhe të shkrifët, me nivele të larta ujërash nëntokësorë.

Stacioni i ngjeshjes së gazit në Bilisht

Zona ku do të ngrihet stacioni ndodhet në qytetin e Bilishtit, pranë kufirit grek/shqiptar, në një pllajë pothuajse të sheshtë, në qendër të lumit të Devollit, e rrethuar nga kodrat. Fushat bujqësore që shtrihen përgjatë brigjeve të lumit në rrethin e Devollit janë të rrethuara nga fshatrat Trestenik, Vishoshicë dhe Kurilë. Largësia me kufijtë e fshatit Trestenik është 1.5 km dhe me Vishoshicën 1.25 km. Zona lidhet me fshatrat përreth me anë të rrugëve: një rrugë e shtruar vazhdon deri tek kufiri i parcelës ku do të ngrihet stacioni. Parcela e stacionit ka një sipërfaqe prej rreth 8,37 ha.

Vendbanimet ku kalon gazsjellësi, komunat bashkitë dhe fshatrat:

  • Korça
  • Devoll
  • Bilisht
  • Vishocicë
  • Trestenik
  • Kuç
  • Bilisht
  • Progër
  • Cangonj
  • Vranisht
  • Progër
  • Mançurisht
  • Korça
  • Drenovë
  • Ravonik
  • Turan
  • Mollaj
  • Pulahë
  • Floq
  • Projan
  • Zëmblak
  • Plasë
  • Terrovë
  • Pendavinj
  • Qendër
  • Çiflik
  • Bulgarec
  • Malavec
  • Shamoll
  • Berat
  • Skrapar
  • Bogovë
  • Ustië
  • Valë
  • Çorovoda
  • Poliçan
  • Zgërbonjë
  • Potom
  • Backë
  • Qafë
  • Qendër
  • Arizaj
  • Buzuk
  • Çerenishte
  • Munushtir
  • Orizaj
  • Osoje
  • Polenë
  • Vendreshë
  • Therpel
  • Vëndreshë e vogël
  • Berat
  • Uznovë
  • Cukalat
  • Kutalli
  • Drenovicë
  • Kutalli
  • Pobrat
  • Protoduar
  • Rërëz-kumarak
  • Sqepur
  • Otllak
  • Moravë
  • Ullinjas
  • Çiflik
  • Poshnjë
  • Roshnik
  • Kodras
  • Tërpan
  • Tërpan
  • Ura Vajgurore
  • Guri i bardhë
  • Konisbaltë
  • Vokopolë
  • Velabisht
  • Duhanas
  • Malinat
  • Vërtop
  • Bregas
  • Fushë peshtan
  • Mbrakull
  • Vërtop
  • Vodicë
  • Fier
  • Dermenas
  • Hamil
  • Hoxharë
  • Sulaj
  • Mbrostar
  • Kallm i vogël
  • Mbrostar ura
  • Petovë
  • Verri
  • Imesht
  • Kurjan
  • Libofshë
  • Rreth Libofshë
  • Qendër
  • Mujalli
  • Roskovec
  • Strum
  • Topojë
  • Fushë
  • Kavaklli
  • Seman
  • Seman i ri
  • Topojë
  • Lushnjë
  • Bubullimë
  • Vajkan

Gazeta Shekulli, 09.04.2014