info@energjia.al

OSHEE vijon kontrollet e vazhdueshme në të gjithë Shqipërinë. Skuadra Task Forcë e OSHEE vuri në pranga 2 abonentë në qytetin e Durrësit për vjedhje të energjisë elektrike përmes skemave të ndryshme.

Njëri nga abonentët e proceduar ishte edhe pronar i një subjekti privat, lokal dasmash.

Ndërsa abonenti tjetër ishte debitor ndaj shtetit 9 milionë lekë. Ky i fundit, krahas kësaj përdorte një linjë të dytë, jashtë matësit për furnizimin me energji.

Sipas të dhënave të OSHEE, nga kontrollet e fundit janë proceduar rreth 50 persona vetëm në Rajonin e Durrësit.

Scan Tv,  16.11.2017

Për shkak të punimeve të planifikuara në disa n/stacione të vendit, në kuadër të mirëmbajtjes së tyre, në prag të sezonit të dimrit, OSHEE do të ndërpresë energjinë elektrike në disa zona në Tiranë.

N/Stacioni Traktora;

Data: 13/11/2017

Ora: 09:00-13:00’.

Zonat: Kodra e Kokonozëve, ish Parku Komunal, Pallatet te Oxhaku, Porcelani, Kodra Priftit dhe Shkozë

N/Stacioni Traktora;

Data 14/11/2017

Ora: 09:00-13:00

Zonat: Rrugët “Pasho Hysi” dhe Todi Shkurti”, Kryegjyshata, Poligrafiku,

Burgu 325 dhe zona te Depo e Ujit

N/Stacioni Traktora;

Data: 15/11/2017

Ora: 09:00-13:00

Zonat: “Rruga Kokonozëve”, Shkozë pjesërisht, Antenat e TV-ve dhe vilat qeveritare në Dajt, si dhe TV News 24

N/Stacioni Traktora;

Data: 16/11/2017

Ora 09:00-13:00

Zonat: pranë Uzinës Traktorit, Shkozë, pranë Depos së Ujit dhe Senatoriumit

N/Stacioni Traktora;

Data 17/11/2017

Ora 09:00-13:00

Zonat: Arkivi, Shkozë 2, Instrumentali dhe pranë Reparti 8802

energjia.al  13.11.2017

Bursa e Energjisë nuk pritet të nisë funksionimin e saj, ashtu siç ishte parashikuar ndërkohë që mbetet prioritet për sektorin, ashtu sikurse procesi i ndarjes së OSHEE-së në katër struktura të veçanta. Sekretariati i Komunitetit të Energjisë ka publikuar në datë 6 nëntor një raport të fundit për ecurinë e vendeve të Ballkanit Perëndimor, duke u ndalur në sektorë të tillë si energjia, gazi, eficenca, hidrokarburet, ndikimet mjedisore.

Situata politike, ashtu sikurse është trajtuar edhe më herët, ka shërbyer si një frenuese e zbatimit të plotë të reformës në sektor, duke shkaktuar vonesa te liberalizmi dhe proceset e tjera. Këtë herë, Sekretariati nuk shprehet me rezerva, por i bindur se bursa nuk do të vihet në funksion më 1 janar 2018, ashtu sikurse është lakuar, ndërkohë që ministri i Infrastrukturës dhe Energjisë pritet që të japë një afat të ri mbi këtë proces.

Nga ana tjetër, me vonesë është edhe ndarja e OSHEE-së. “Ndarja e OSHEE-së, derregullimi i çmimeve për prodhim dhe furnizim, si dhe ngritja e bursës është e vonuar. Të tria këto aspekte janë një prioritet. Përgjegjshmëria dhe ekuilibri duhet të vendoset në një përpjekje për të harmonizuar edhe mekanizmat konkurrues të tregut të balancimit”, – thuhet në raportin e Sekretariatit.

I njëjti raport nënvizon se ndërkohë OSHEE ende nuk është ndarë, ashtu sikurse e përcakton modeli i ri i tregut. Operatori i Sistemit të Transmetimit duket se ka kaluar këtë fazë që në momentin që u miratua që pronësia e tij të ishte nën ish-Ministrinë e Ekonomisë, që sot i bie të jetë ministria që drejton Arben Ahmetaj, pra Financat dhe Ekonomisë.

Referuar elementeve të marrë në vlerësim, Shqipëria pjesën e saj më të madhe të përparimit në sektor e ka bërë në vitin 2016, ndërkohë që në vitin 2017, nga shtatë elemente të marrë në vlerësim vetëm në një prej tyre ka progres që lidhet me transparencën. Pjesa tjetër kanë mbetur në vend numëro. Këtë e tregon më së miri edhe norma e implementimit ku diferenca nga 2016 deri në 2017 është modeste.

Revista Monitor,  11.08.2017

Operatori i Shpërndarjes së Energjisë Elektrike ka mbyllur së fundmi blerjen e energjisë për muajin nëntor. Kontrata me pesë kompanitë fituese ka siguruar një sasi totale prej 270 mijë MWh energji, me një vlerë prej mbi 21.7 milionë eurosh.

Drejtori i Divizionit Tregtar në OSHEE, Elton Sevrani, bëri me dije se sigurimi i sasisë së kërkuar nuk ishte i lehtë dhe janë një sërë arsyesh ë kanë bërë që çmimi të jetë disi më i kripur se importet e mëparshme, por sërish brenda normativës. “Fatura është e lartë, sepse blerja është në pik dhe zakonisht në këtë profil, çmimet janë më të larta. Për herë të parë, procedura është zhvilluar përmes platformës online të OSHEE, duke garantuar transparencë të plotë. Janë një sërë arsyesh që ndikojnë tek çmimi mesatar që lidhet me situatën hidrike problematike, kërkesën e lartë, kapacitetet tona të kufizuara për transmetim, si dhe çmimet në bursat ndërkombëtare. Duhet të kemi parasysh që kjo është një sasi shumë e madhe prej 440 mega në pik dhe pavarësisht këtyre kushteve, çmimi mesatar është brenda normativës që kemi ne në reference të Bursës së Hungarisë” – tha Sevrani.

Konkretisht OSHEE bleu në lotin e parë 72 mijë MWh, me vlerë monetare prej 4.8 milionë euro dhe me çmim mesatar 67.03 Euro/MWh. Në lotin e dytë u blenë 198 mijë MWh, e konvertuar në vlerë monetare 16,9 milionë euro, me çmim mesatar prej 84.93 Euro/MWh. Kompania e shpërndarjes ka përballuar ngarkesën që ka imponuar situata e importeve me paratë e saj, duke paralajmëruar se kjo mund të ndikonte tek pjesa e investimeve të planifikuara.

Pavarësisht kësaj, investimet kyçe, kanë vijuar të kryhen duke i paraprirë situatës së dimrit ndërkohë që fatura e nëntorit dhe dhjetorit pritet të jenë një ngarkesë për financat në vitin 2018, pasi pagesa kryhet për një afat 90-ditor nga lëvrimi.

Shqiptarja.com  01.11.2017

Operatori i Shpërndarjes së Energjisë Elektrike ka mbyllur së fundmi blerjen e energjisë për muajin nëntor. Kontrata me pesë kompanitë fituese ka siguruar një sasi totale prej 270 mijë MWh energji, me një vlerë prej mbi 21.7 milionë eurosh. Drejtori i Divizionit Tregtar në OSHEE, Elton Sevrani, bëri me dije për “Monitor” se sigurimi i sasisë së kërkuar nuk ishte i lehtë dhe janë një sërë arsyesh që kanë bërë që çmimi të jetë disi më i kripur se importet e mëparshme, por sërish brenda normativës.

“Fatura është e lartë, sepse blerja është në pik dhe zakonisht në këtë profil, çmimet janë më të larta. Për herë të parë, procedura është zhvilluar përmes platformës online të OSHEE, duke garantuar transparencë të plotë. Janë një sërë arsyesh që ndikojnë tek çmimi mesatar që lidhet me situatën hidrike problematike, kërkesën e lartë, kapacitetet tona të kufizuara për transmetim, si dhe çmimet në bursat ndërkombëtare. Duhet të kemi parasysh që kjo është një sasi shumë e madhe prej 440 mega në pik dhe pavarësisht këtyre kushteve, çmimi mesatar është brenda normativës që kemi ne në reference të Bursës së Hungarisë”, – tha Sevrani.

Konkretisht OSHEE bleu në lotin e parë 72 mijë MWh, me vlerë monetare prej 4.8 milionë euro dhe me çmim mesatar 67.03 Euro/MWh.

Në lotin e dytë u blenë 198 mijë MWh, e konvertuar në vlerë monetare 16,9 milionë euro, me çmim mesatar prej 84.93 Euro/MWh.

Kompania e shpërndarjes ka përballuar ngarkesën që ka imponuar situata e importeve me paratë e saj, duke paralajmëruar se kjo mund të ndikonte tek pjesa e investimeve të planifikuara. Pavarësisht kësaj, investimet kyçe, kanë vijuar të kryhen duke i paraprirë situatës së dimrit ndërkohë që fatura e nëntorit dhe dhjetorit pritet të jenë një ngarkesë për financat në vitin 2018, pasi pagesa kryhet për një afat 90-ditor nga lëvrimi.

01.11.2017

Sot nga ora 09.00-12.00 një pjesë e kryeqytetit do të jetë pa energji. OSHEE njofton qytetarët se nesër do të jenë pa energji disa zona për shkak se do të ndërhyhet në linjën 35kV L30-2 Sharre 220kV – Tec Kombinat. Ndërhyrja, sipas OSHEE do të bëhet për të parandaluar problemet e shpeshta, sidomos gjatë dimrit.

Zona qe mbeten pa energji ne Tirane / Ndroq, Pinet, Barzez, Zhurije, Peze e Madhe, Stacion Pompash, Vodafon Gro, Peze e Vogel, Peze Helmas, Zona Kashar (pjeserisht), Yrshek, Fushe Mezez, Ish Rruga Ura,

Zona prane Bregut te lumit, Laknas, Zona e Fushe Misto Mames, Sharre, Zona prane Kmy (pjeserisht), 3 Heronjte, Privat(Algrec), Yzberisht, Vaqarr, Kasalle, Vishaj, Damjan, Prush, Parafabrikatet, Qyteti Kombinat, Rr. Qelqit, Fabrika e Duhanit.

Shqiptarja.com  31.10.2017

-OSHEE, ka njoftuar nëpërmjet mediave se për shkak të punimeve që do të bëhen në nënstacionin Traktora, sot do të ketë ndërprerje nga ora 09.00-16.00.

Zonat që do të mbeten pa energji elektrike janë: Shkozë pjesërisht, Kodra e Kokonozeve pjesërisht, zona rreth Qytetit Studenti, Farkë, Porcelani pjesërisht, rruga Pasho Hysi pjesërisht, Kryegjyshata pjesërisht.

Kufizime të energjisë elektrike  do të kenë edhe zonat: Arkivi, Instrumentali, Reparti 8802, Poligrafiku, zona Uzina Traktorit, Kodra e Priftit pjesërisht, furnizim dytesor per Antenat e Televizioneve ne Dajt, Vilat Qeveritare ne Dajt, furnizim dytësor Televizioni News 24, zona prane Depos se Ujit , Garda, rruga Todi Shkurti pjesërisht, furnizim dytësor Burgu 325.

Shqiptarja.com  30.10.2017

OSHEE vijon kontrollet për abonentët debitorë. 14 abonentë janë proceduar penalisht tek organet e hetimit dhe krimit ekonomik, për vjedhje të energjisë elektrike dhe mosrespektim të kontratës me OSHEE.

Abonentët e shoqëruar në Polici janë kryesisht nga rrethi i Shkodrës. Midis tyre u evidentuan edhe abonentë privatë, ndaj të cilëve u morën masat ligjore të nevojshme.

Strukturat e verifikim – matjes dhe Task Forcës në OSHEE Shkodër vijnë me kontrollet tek abonentët debitorë, të cilët rilidhin energjinë pas ndërprerjes së saj.

OSHEE bën apel për të gjithë abonentët debitorë që të lidhin aktmarrëveshje me këste lehtësuese dhe të gjejnë zgjidhje ligjore duke iu drejtuar Kujdesit ndaj Klientit.

Scan Tv,  28.10.2017

The Electricity Distribution Operator plans to buy 270,000 MWh of electricity in November, thus significantly increasing its demand in comparison to October.

According to an announcement, the purchase will be made in two lots, divided according to the time of delivery.

For October, OSHEE spent about 6.1m euros, while for the last 5 days of the month, a second purchase of 29. 600 Mwh was needed, thus increasing costs even more.

In parallel with the opening of this purchase procedure, during October the company secured three bids with the aim of optimizing and providing energy at the most competitive prices.

Confirmation of these bids will be made during the respective month, depending on the hydropower situation and KESH production opportunities as well as international energy prices.

As a result of the prolonged drought, OSHEE purchased about 86 million Euros of energy for the period July-October.

Meanwhile, with the purchases of November the amount spent is expected to exceed 100m euros.

Scan Tv,  27.10.207

Operatori i Shpërndarjes së Energjisë Elektrike ka përfunduar testimin e rreth 600 punonjësve të nivelit teknik në Drejtorinë Rajonale të Tiranës. Brenda nëntorit ky proces do të përmbyllet edhe për punonjësit e nivelit menaxherial, ndërkohë që sipas drejtorit të OSHEE për Tiranën, Klevis Jahaj procesi synon përcaktimin e nivelit të performancës, duke përmirësuar më pas shërbimin ndaj klientit.

“Jemi duke përfunduar këtë proces  i cili ka konsistuar në formimin e përgjithshëm që kanë jo vetëm nga ana teorike e procedurave dhe qëllimit të punës që ata kryejnë, por gjithashtu edhe në nivelin praktik të kryerjes së këtyre proceseve duke përfshirë dhe njohuritë që kanë për sigurimin teknik që janë shumë të nevojshme për t’u mbuluar veprime që kryejnë në lidhje me pajisjet elektrike. Aktualisht ne jemi duke përpunuar rezultatet pas çdo intervistimi. Qëllimi i këtij procesi shumë të rëndësishëm i cili ka nisur me këtë kategori punonjësish që ne kemi, është për të identifikuar jo vetëm përputhshmërinë që kanë me profilin dhe detyrat që kanë marrë përsipër të realizojnë pranë Operatorit të Shpërndarjes, por gjithashtu edhe për të parë nevojën për zhvillime të mëtejshme ose trajnime që mund të kenë punonjësit në fusha të caktuara në mënyrë që të jenë të kompletuar për të vazhduar të kryejnë këto procese.”

Sipas drejtorit, në përmbyllje të procesit të testimit, nuk përjashtohen edhe largimet nga puna për ata punonjës që nuk arrijnë të kalojnë testin.

“Natyrisht, nëse ka punonjës që nuk janë në përputhshmëri me kërkesat që ka Operatori, sidomos në këtë status ku po kalojmë në një rritje të cilësisë së shërbimit që kemi kundrejt abonentit, pa diskutim që do të ketë edhe vendimmarrje me largime ose me kërkesa të tjera për punonjës më të kualifikuar, por që mbulojnë këto procese”.

Jahaj paralajmëroi se pas Tiranës, procesi i testimit do të shtrihet në gjithë drejtoritë e tjera rajonale, duke kaluar në “sitë” gjithë punonjësit e OSHEE.

Scan Tv,  27.10.2017