Roma, shtëpia e mijëra monumenteve të lashta është duke u kërcënuar nga ndotja e mjedisit që shkaktohet si pasojë e automjeteve motorike.
Deri në vitin 2024 është planifikuar që makinat me naftë të ndalojnë së qarkulluari në qendrën e qytetit.
Virginia Raggi njoftoi vendimin në faqen e saj të Facebook, duke thënë: “Nëse duam të ndërhyjmë seriozisht, duhet të kemi guximin të miratojmë masa të forta”.
Komentet e saj pasuan me një vendim gjykate në Gjermani i cili ndalon qarkullimin e makinave me naftë në rrugët më të ndotura të qytetit.
Rreth dy të tretat e 1.8 milionë makinave të reja të shitura në Itali vitin e kaluar ishin me naftë, sipas shifrave të industrisë.
Roma nuk ka industri të mëdha, kështu që gati të gjithë ndotjen e ajrit në kryeqytetin italian e shkaktojnë automjetet motorike.
Përveç çështjeve shëndetësore, ndotja nga motorët me djegie shkakton dëme të mëdha në monumentet e shumta antike të Romës në natyrë.
Sipas një studimi të vitit të kaluar nga një degë e ministrisë së kulturës, 3.600 monumente guri dhe 60 skulptura bronzi rrezikojnë të përkeqësohen seriozisht për shkak të ndotjes së ajrit.
Scan Tv, 05.03.2018