Akuza për centralin bërthamor në Bullgari

Ish-ministri i Energjisë, Deljan Dobrev, është ministri i tretë i paditur për termocentralin e braktisur bërthamor të Belenës (NPP), raportojnë mediat lokale.
Imazhet nga agjencia e lajmeve Focus e tregojnë atë teksa hyn në departamentin hetimor në Zyrën e Prokurorisë në qytetin e Sofjes, ku pritet që atij t’i dorëzohet aktakuza.

Në tetor, Kryeprokurori kërkoi që Dobrev t’i hiqet imuniteti për t’u përballuar me akuzat. Qeveria në largim pohon se ai nuk ishte i përfshirë në transferimet e milionave në fjalë që pretendohet nga prokuroria, të cilat janë aprovuar nga institucioni i tij dhe për nga Kompania Kombëtare Elektrike shtetërore të Atomstroyexport të Rusisë, e cila ishte caktuar për të ndërtuar Belene në atë kohë.
Dobrev ka shërbyer si ministër i Ekonomisë, Energjisë dhe Turizmit të Bullgarisë nga marsi 2012, muaj në të cilin qeveria e parë e kryeministrit në largim Bojko Borisov dha dorëheqjen.

Një prej paraardhësve të tij, Rumen Ovçarov, që ka mbajtur portofolin e energjisë në vitin 2000, është paditur gjithashtu për Belene NPP me akuzën e mbajtjes pezull të projektit. Petar Dimitrov, i cili vazhdoi detyrën e lënë nga Ovçarov, u godit nga këto akuza në mes të tetorit.

Revista Monitor,  03.12.2016