Bankers ngre skenë në Apolloni
Kompania naftënxjerrëse “Bankers Petroleum” tashmë nuk është një problem vetëm për banorët e Zharrësit por edhe për Parkun Arkeologjik të Apolonisë, që është edhe pasuri kombëtare.
Ndonëse është mesi i sezonit turistik, ky park është i paaksesueshëm për vizitorët dhe turistët e huaj.
Shkak është bërë kjo skenë gjigante që po prej ditësh po ngrihet në ambientet e Parkut Arkeologjik në kuadër të një aktiviteti për 10-vjetorin e pranisë së “Bankess Petroleum” në Shqipëri.
Skena përveçse i ka humbur Parkut Arkeologjik 2400-vjeçar identitetin e tij, po i shkakton dëme të konsiderueshme në strukturën e tij.
Lidhur me këtë situatë reagon edhe arkeologu i njohur Myzafer Korkuti, njëkohësisht kreu i Akademisë së Shkencave.
Ngritja e kësaj platforme nga kompania “Bankers Petroleum” në ambientet e Parkut, sipas Korkutit është e patolerueshme dhe dëmet mund të jenë fatale.
Korkuti i bën apel ministrisë së Kulturës të marrë masa për largimin e menjëhershëm të kësaj platforme.
Shqiptarja.com 11.07.2014