EVN, marrëveshje për furnizim me 120 kompani
Mbi 120 kompani kanë firmosur marrëveshje për furnizim me energji elektrike nga “EVN Furnizim”, që me daljen e parë në tregun e hapur për shitje energjie. Menaxheri i “EVN Furnizim”, Niko Berberu tha se ata që nënshkruan marrëveshje me këtë kompani, nuk kanë nevojë aspak të merakosen për shpenzimin e energjisë, pasi përvoja dhe ekspertiza e EVN-së përmes planifikimit është në dispozicion të tyre. EVN Furnizim formoi edhe grupin e dytë të balancimit. Njëra, më e madhja në vend është e tregut rregullator të energjisë elektrike ku furnizon konsumatorët tarifor duke përfshirë edhe 700 000 familje e bizneset e vogla, dhe grupi i dytë i balancimit për liberalizimin e tregut ku është përfshirë edhe “EVN Furnizim me 70% ose 2/3 e kompanive, të cilët nga 1 prilli për herë të parë do të dalin në tregun e hapur si dhe “EVN Trejding për Evropën juglindore. Aktualisht në tregun e amvisërive si dhe në atë evropian, EVN furnizon mbi 3 milion konsumatorë në Bullgari, Austri dhe Maqedoni.
Alsat-M, 31.03.2014