Studentët e Politeknikut mundësi praktike dhe punësimi pranë KESH-it
Korporata Elektroenergjitike Shqiptare ofron mundësi të reja për studentët e “Politeknikut”. Pas nënshkrimit të marrëveshjes midis kreut të KESH-it, Engjell Zeqo dhe rektorit të Universitetit, Politeknik të Tiranës, Jorgaq Kacani, ata do të kenë mundësi që të zhvillojnë praktika dhe njëkohësisht të punësohen pranë këtij institucioni. Në fjalën e tij Drejtori i KESH-it u shpreh se synimi i institucionit, që ai drejton përveç praktikës, është edhe mundësia e punësimit për studentët. Ndërkohë, rektori i Politeknikut u shpreh se bashkëpunimi është mjaft i rëndësishëm dhe i veçantë për studentët.
Gazeta Sot, 28.07.2011