Largohet nga detyra kreu i Albpetrol, drejtimin e kompanisë e merr ish-kryebashkiaku i Fierit Baftjar Zeqaj
Albpetroli do të ketë një drejtues të ri, pas largimit nga detyra të ish-drejtorit Gent Gazheli.
Drejtimin e kompanisë do ta marrë nëj figurë mjaft e njohur në Fier, ish kryebashkiaku i këtij qyteti, Baftjar Zeqaj.
Ai është një personazh mjaft i njohur dhe me influencë në Fier, pasi ka drejtuar bashkinë e këtij qyteti për 3 mandate, ndërsa ka qenë edhe Prefekt në një mandat.
Edhe pse ende nuk është bërë zyrtarisht emërimi i tij, burime bëjnë të ditur se Zeqaj do të prezantohet në fillimin e javës që vjen.
Me vendosjen e tij në krye të Albpetrol shpresohet që t’u jepet fund problemeve që kjo kompani ka patur ndër vite, pasi Zeqaj është me profesion inxhinier dhe e di mirë se çfarë duhet të bëjë për ta ngritur sërish këtë kompani.
Newsbomb.al