Protesta e naftëtarëve zhvendoset në Tiranë, përplasje me policinë

Protestuesit kërkojnë që të takohen me ministren Balluku e për tu sqaruar mbi takimin e saj dhe të kryeministrit Rama me Presidentin e Azerbajxhanit ku sipas tyre u fol dhe për punën e rafinerisë.

Një prej protestuesve thotë se do të qëndrojnë aty derisa të kenë një përgjigje.

“Nuk takohemi me zëvendësministrin Ilir Bejtja. Ministrja të mbaj përgjegjësi. Morëm lekë borxh për të marrë autobusin dhe për të ardhur këtu. Këtu do rrimë. Do ta mendojmë të gjithë së bashku se çfarë do bësh. Të dalësh dhe të thuash publikisht që do të hapet në qershor dhe mos të hapen” – tha një prej protestuesve.

Gjatë protestës, ku nuk kanë munguar përplasjet me policinë, një nga naftëtarët shprehet se gjendja e tyre ekonomike është e rënduar.

“Të na çojnë në burg të hamë një pjatë supë, të paktën do hamë diçka këtu, se kështu po vdesim fare”, tha ai.

Shqiptarja.com  17.09.2020