Stakime të herëpasherëshme të energjisë elektrike në Tiranë

Për gjatë gjithë mëngjesit të sotëm në kryeqytet ka pasur luhatje dhe ndërprerje të herë pas hershme të energjisë elektrike. Një problem i përsëritur ky, me shkëputje njëra pas tjetrës brenda pak minutave që mbi të gjitha dëmton pajisjet elektro-shtëpiake.

OSHEE thotë se shkak për ndërprerjet e energjisë elektrike është bërë dëmtimi i fiderit 16-20 KV tek Ambasada Amerikane nga kompania e kontraktuar për kolektorin të ujërave të zeza.

“Si pasoje e dëmtimit te kabullit tension i mesëm 20kV fideri L16 nga punimet për hapjen e kolektorit te “Rruga e Elbasanit” kanë mbetur pa energji elektrike zonat rreth “Rrugës së Elbasanit”, fakulteteve, etj“, tha në një njoftim zyrtar Operatori i Shperndarjes se Energjise Elektrike.

Zona më problematike për shkëputjen e herë-pas hershme të energjisë është zona pranë stadiumit ‘Arena Kombëtare’. Sa i përket dëmeve materiale të shkaktuar tek qytetarët, OSHEE ka thënë se ata mund t’i drejtohen zyrës së shërbimit të klientit, për të bërë ankesat.

Shqiptarja.com  07.09.2019