Iran do pasurojë uraniumin, do rihapet reaktori Arak
Presidenti i Iranit, Hasan Rouhani, tha se vendi do të shtojë pasurimin e uraniumit pas datës 7 Korrik deri në nivelet që i duhen, duke thyer marrëveshjen bërthamore të vitit 2015. Irani lajmëroi se ka shtuar stokun e uraniumit të varfëruar sipër limitit në marrëveshje, diçka që solli paralajmërime nga presidenti i SHBA, Donald Trump. Pjesëtarët europian të paktit bërthamor thanë se janë të shqetësuar për thyerjen e rregullave nga Irani, ndërsa Izraeli bëri të ditur se po përgatitet për përfshirje në rast të përballjes ushtarake mes Iranit dhe SHBA. “Niveli ynë i pasurimit nuk do të jetë më 3.67. Ne do të krijojmë sasinë që na nevojitet, sipër këtij niveli”, tha Rouhani.
Uraniumi i rafinuar në një pastërti të zbërthimit prej 3.67% shihet si i përshtatshëm për gjenerimin e energjisë elektrike dhe është sasia maksimale e lejuar në marrëveshje. Pasurimi në 90% gjeneron material për bombë. Rouhani tha se nëse anëtarët e tjerë të marrëveshjes nuk mbrojnë tregtinë me Iranin, vendi do të rindezë impiantin bërthamor Arak pas datës 7 Korrik. Sipas marrëveshjes, Irani deklaroi në Janar 2016 se ka hequr bërthamën e reaktorit dhe e ka mbushur me çimento. “Nga data 7 Korrik, reaktori Arak do të kthehet në gjendjen e mëparshme, nëse nuk mbahen premtime”, tha Rouhani.
Scan, 03.07.2019