HEP do ndërtojë centralin më të madh diellor në ishullin kroat të Cresit

Kompania energjetike shtetërore kroate, HEP po investon rreth 45 milionë kuna (7.1 milionë dollarë amerikanë / 6.1 milionë euro) në ndërtimin e një centrali diellor 6.5 MW në ishullin kroat të Cresit, që do të jetë edhe më i madhi në vend, tha në një deklaratë për shtyp, kompania HEP.

Centrali diellor, Orlec Trinket, do të prodhojë 8.5 GWh energji elektrike në vit, e mjaftueshme për të përmbushur nevojat e 2.000 familjeve, bëri publike kompania HEP, menjëherë pas nënshkrimit të marrëveshjes për ndërtimin e tij me autoritetet e qarkut të Primorje-Gorski Kotar dhe manastirin françeskan në këtë ishull.

Kompania HEP aktualisht operon edhe nëpërmjet nënte centraleve të tjera në Zagreb, Osijek (dy), Split, Zadar, Dubrovnik, Shibenik, Cakovec dhe Opatija. Centrali i ri do të ndërtohet në një sipërfaqe toke prej 17 hektarësh, e cila do t’i jepet me qira kompanisë HEP për 25 vjet.

HEP theksoi faktin se ka në plan që të vazhdojnë edhe në të ardhmen ndërtimin e centraleve të tjerë diellorë dhe të erës, pasi synon të prodhojë rreth 50% të furnizimit me energji elektrike nga burimet e rinovueshme deri në vitin 2030 dhe 70% deri në vitin 2050.

SeeNews,  23.07.2018