Kush ka nevojë për naftë?

Kur është fjala për burimet e energjisë, Lindja e Mesme mund të jetë sinonim me naftën, por këto ditë qeveritë në të gjithë rajonin po përpiqen të zhvillojnë burime të tjera, siç është energjia e rinovueshme. Kjo e fundit ka disa përfitime, jo vetëm mjedisore për vendet në fjalë, por ajo që është më kryesorja është ekonomia. Jo vetëm që kostoja e sigurimit të naftës dhe gazit të subvencionuar për popullsi po bëhet gjithnjë edhe më e shtrenjtë, por gjithashtu qeveritë e dinë se sa më pak nafta të konsumohet në vend, aq më shumë do të jenë në gjendje të shesin jashtë shtetit me çmim më të lartë.

Duke pasur parasysh klimën e saj, rajoni i Lindjes së Mesme ka mjaft potencial kur vjen puna te energjia e rinovueshme. “Bimë të mëdha diellore” po mbijnë në shkretëtirë, siç është parku diellor i Mohammed Bin Rashid Al-Maktoum në Dubai, i cili sapo të përfundojë në vitin 2030, do të mbulojë 214 kilometra katrorë. Edhe Markou dhe Egjipti janë gjithashtu duke eksploruar potencialin për energjinë e erës.

Irani është më i avancuar në zhvillimin e energjisë së rinovueshme, kryesisht për shkak të investimeve të kaluara në skemat e hidrocentraleve. Ndërsa muajt e fundit janë lulëzuar shumë projekte në drejtim të erës dhe energjisë diellore.

Më i madhi deri më sot u zbulua më 17 tetor kur “Norway’s Saga Energy” nënshkroi një marrëveshje me 2.5 miliardë dollarë (me vlerë 2.9 miliardë dollarë) me zhvilluesit e energjisë shtetërore “Amin Energy Developers” për të ndërtuar një termocentral diellor me kapacitet gjenerues deri në 2GW gjatë pesë viteve të ardhshme. Kjo është një ndër marrëveshjet e shumta që Irani ka bërë me kompanitë europiane që investojnë. Një tjetër kompani norvegjeze “Scatec Solar” është në bisedime me qeverinë iraniane për të ndërtuar një termocentral 110 MW, me vlerë rreth 132 milion dollarë, ë cila mund të zgjerohet më vonë.

Nga ana tjetër, edhe Hashem Oraee, president i Shoqatës së Energjisë së Erës të Iranit (IRWEA), ka thënë për mediat lokale se kompanitë daneze janë gati të investojnë deri në 1 miliardë dollarë në projektet e energjisë së rinovueshme në Iran.

Nuk janë vetëm vendet nordike të cilat po përfshihen. Më 20 shtator, “Quercus” i Britanisë së Madhe tha se planifikoi të japë 600 milion për energjinë diellore në Iran. Gjithashtu kohët e fundit edhe kompani gjermane e italiane kanë treguar interes për energjinë e rinovueshme në Lindjen e Mesme.

Prej muajit prill kanë përfunduar disa projekte, të mbështetura nga kompani zvicerane e greke. Në total, këto marrëveshje janë duke shtuar deri në miliarda dollarë investime në ekonominë iraniane.

Në muajin prill, zëvendësministri i ekonomisë i Iranit Mohammad Khazaei tha se vendet e BE kishin investuar 3.6 miliardë dollarë në sektorin e energjisë në Iran që nga janari i 2016, ndërsa qeveria kishte “miratuar 48 projekte për prodhimin e energjisë elektrike përmes energjisë së rinovueshme”.

Ka disa arsye që europianët janë nxituar të investojnë, duke përfshirë kushtet e favorshme për investime në ofertë nga qeveria iraniane. Ministria e Energjisë në vend zakonisht nënshkruan marrëveshje që garantojnë blerjen e prodhimit të centraleve të ripërtëritshme të energjisë për 20 vjet, gjithashtu bimët janë të liruara nga taksat nga 5 deri në 13 vjet.

Scan Tv,  25.10.2017