Ndalen çmimet e naftës

Çmimet e naftës i kanë dhënë fund 8 ditëve me radhë në fitim. Përmbysja e çmimeve vjen pikërisht në ditën që tregjet amerikane do të jenë të mbyllura për shkak të festës kombëtare. Në çelje të sesionit të sotëm, nafta Brent e Londrës kuotohej pranë nivelit të 49.55 dollarëve për fuçi, ndërsa ajo bruto amerikane pranë 46.98 dollarëve për fuçi.

Kthesa në trajektoren e çmimeve vjen pas një marshimi që gjeneroi një rritje të çmimeve me 12%. Mesa duket niveli i 50 dollarëve për fuçi do të kthehet në një tabu për çmimet e naftës.

Gjithsesi, ekspertët dhe investitorët shprehen të kënaqur me ecurinë e naftës, pasi mbingarkesa po jep sinjale pozitive për të parë herë ndër muaj.

Scan Tv,  05.07.2017