Total, marrëveshje për gazin me Iranin

Irani planifikon të nënshkruajë një kontratë të re për të zhvilluar fushën gjigante të gazit “South Pars”, që është më e madhja në botë për gazin natyror, me firmën franceze “Total” dhe kompaninë më të madhe të naftës në Kinë CNPC.

Ky është investimi më i madh perëndimor në energji që prej heqjes së sanksioneve kundër Teheranit.

Zëdhënësit e Total konfirmuan se kompania do të nënshkruajë kontratën për të prodhuar gaz për tregun Iranian nga viti 2021.

Total zotëron 50.1% interes në projekt, me kompaninë kineze të zotëruar nga shteti që mban 30%, ndërsa kompania iraniane Petropars, 19.9%.

Fusha e vendosur në gjirin Persik është zhvilluar për herë të parë në vitet 90 dhe Total përbënte një nga investitorët më të mëdhenj në Iran deri sa sanksionet ndërkombëtare u vendosin në vitin 2006.

Kreu ekzekutiv i kompanisë franceze, Patrick Pouyanne, tha se do të bëhet një investim fillestar prej 1 miliardë dollar, duke ndjekur heqjen e sanksioneve nga Shtetet e Bashkuara.

Irani, që është prodhuesi i tretë më i madh i Organizatës së Vendeve Eksportuese të Naftës, synon që kontrata të tërheqë kompani të huaja dhe nxisë prodhimin e naftës dhe gazit pas vitesh të investimeve të dobëta.

Fusha gjigante e gazit është e ndare mes Iranit dhe Katarit, vend ku Total është gjithashtu lojtar gjigant në prodhim.

Scan Tb,  04.07.2017