Sezoni turistik në Vlorë, Çela: përmirësuam furnizimin

Administratori i Operatorit të Shpërndarjes së Energjisë Elektrike, OSHEE, Adrian Çela, ka zgjedhur Vlorën, si një nga zonat më të preferuara turistike për pushuesit vendas e të huaj, për të inspektuar nga afër investimet që po kryhen në rrjetin shpërndarës të qytetit dhe fshatrave përreth tij. Kreu i OSHEE, z.Çela, dha një prononcim para mediave ku bëri një analizë të treguesve të performancës së furnizimit me energji elektrike, të cilat, nisur nga përvoja e një viti më parë, janë përmirësuar ndjeshëm. Në fjalën e tij, Çela tha se pas ndërhyrjeve emergjente gjatë vitit 2015, OSHEE hartoi dhe nisi zbatimin e strategjisë së investimeve konkrete afatgjata në zonat bregdetare (sikurse po bën edhe në pjesë të tjera të vendit). “Vitin e kaluar, për rastësi këtu në Vlorë, po ju ishit gazetarë, duke inspektuar rrjetin e dobët të shpërndarjes, mos gaboj në zonën e Himarës (Potam) premtova ose u angazhova se 2016 do të ishte një vit shumë më ndryshe. Ky premtim u realizua më së miri dhe unë po ju jap disa fakte duke nisur nga Vlora”, u shpreh kreu i OSHEE: Çela dha si shembull dy treguesit e performancës së cilësisë së furnizimit me energji elektrike në qytetin e Vlorës, që krahasuar me një vit më parë, janë përmirësuar ndjeshëm N1 Numri i stakimeve për një abonent – është përmirësuar në masën 75% D1 Kohëzgjatja e ndërprerjes – është përmirësuar në masën 82 % Koha e riparimit të defekteve është ulur 73 % Numri i defekteve është zvogëluar 70% (këtu te defektet në Vlorë kemi raportin më të mirë në të gjithë vijën bregdetare) Administratori i OSHEE, tha se edhe në zonat e tjera bregdetare, cilësia e furnizimit me energji elektrike ka qenë shumë më e mirë se një vit më parë, referuar analizës së dy treguesve të performancës. Treguesit e gjithë zonës Bregdetare N1 = Nr i stakimeve të paplanifikuara per nje abonent është përmirësuar në masën 57% D1= Kohëzgjatja pa energji per abonent) eshte permiresuar me 66% Koha e riparimit te difekteve është ulur 42% Numri i defekteve është zvogëluar 52% Çela theksoi se punonjësit e OSHEE kanë qenë në gadishmëri 24 orë për realizimin e këtyre standardeve. Sipas tij, që në fillim të sezonit, për një mirëmenaxhim të situatës, OSHEE bëri publike planin e masave organizative dhe teknike Bashkë me planin, u renditën disa numra telefoni të personave përgjegjës për atë rajon/zonë plazhi që mbulonte, si dhe u shpërnda harta me të gjitha kontaktet përkatëse Baza materiale u vendos në dispozicion në të gjitha pikat e rrjetit shpërndarës U vendosën në gatishmëri 348 punonjës, përfshi këtu edhe drejtues teknikë inxhinierë nga rrethet e tjera, etj
Kreu i OSHEE tha më tej para mediave, se, referuar treguesit të kohëzgjatjes pa energji për abonent dhe numrit të stakimeve të paplanifikuara për abonentët, tre shtylla ishin ishin faktorët kryesorë që sollën ndryshimin në cilësi më të mirë të furnizimit me drita përgjatë sezonit të verës 2016: Remontet e kryera në të gjitha linjat TL/TM/TU Investimet nga Velipoja në Ksamil Gatishmëria 24 orë përgjatë bregdetit (me nr tel) 348 punonjës, Çela tha se për remontet u investuan afro 1 milion USD për mirëmbajtjen e rrjetit elektrik, të realizuara para sezonit, duke i dhënë siguri 224 km linjë TM/TU dhe 211 kabinave. “Theksoj se në rrjetin e Tensionit të Mesëm, afro 37% e mirëmbajtjes i takon zonës Vlorë – Dhërmi – Himarë (mbi 65 km linjë e rehabilituar)”, u shpreh administratori i OSHEE, z.Adrian Çela. Më tej, kreu i OSHEE, përmendi disa nga investimet e kryera në zonat turistike, nga Velipoja, në Shëngjin, Durrës dhe plazhet e saj, Golemi, plazhet si Divjaka apo e Semanit, e kështu me radhe në Vlorë, Himarë, Sarandë e deri në Ksamil, pa përmendur fshatrat e shumtë. Sipas tij, investimet kanë qenë të shumta pasi prekin linjat e tensionit të lartë 35 kv, tensionin e mesëm 10 dhe 20 kv, tensionin e ulët, kabinat, fidrat, dhe mos harrojmë nënstacionet, ku për herë të parë u vu në punë n/stacioni mobile në Himarë. “Kemi investuar mbi 1.1 miliardë lekë, dhe rreth 1.3 miliard të tjera janë në proces investimi. Të tjera investime nisin tani në shtator, me vlerë 4.2 miliardë lekë, pra sa dyfishi i deritanishëm. Këto investime prekin edhe 2017-n, vit i cili besojmë se i japim zgjidhje përfundimtare furnizimit normal dhe të sigurtë me energji elektrike”, tha administratori i OSHEE. energjia.al  02.09.2016