“Trepça” e harruar nga pushteti

Viti 2015 ka qenë ndër vitet më të vështira për “Trepçën”.

Për shkak të mungesës së licencës për operim për katër muaj dhe dështimit të shitjes së koncentratit, menaxhmenti i kësaj ndërmarrjeje ka vështirësi t’i mbulojë shpenzimet operative, përfshirë edhe pagat, shkruan sot Koha Ditore.

Ky vit i vështirë ka ardhur në kohën kur është folur më së shumti për “Trepçën”. Në fillim të vitit kjo ndërmarrje ishte në prag të futjes në procedurë të likuidimit.

Qeveria e kishte bërë gati ligjin që e bënte “Trepçën” ndërmarrje publike në pronësi të saj. I njëjti ishte tërhequr pas reagimit të Qeverisë së Serbisë dhe ambasadorëve të vendosur në Kosovë.

Telegrafi, 04.09.2015