Vuçiç dhe Putin bien dakort mbi gazin
Kryeministri serb Aleksandar Vucic dhe presidenti rus Vladimir Putin ranë më në fund dakord më 5 nëntor mbi kushtet për furnizimin e gazit rus ne Serbi dhe shlyerjen e borxhit të gazit të Beogradit ndaj Moskës, njoftoi agjencia e lajmeve Tanjug. Nuk janë zbuluar detaje mbi modelin e furnizimit me gaz
Putin pranoi kërkesën e Vucic per furnizime të favorshme me gaz ndaj tre fabrikave të mëdha kimike serbe, referoi zyra e shtypit të qeverisë për agjencinë pa dhënë hollësira. Në bisedën e tyre telefonike të 5 nëntorit, të dy udhëheqësit ranë dakord gjithashtu të qëndrojnë në kontakt të rregullt për të zgjidhur në mënyrë miqësore të gjitha çështjet e interesit të përbashkët, shtoi zyra e shtypit.
Serbia varet në një pjesë të madhe nga importet e gazit rus për të plotësuar nevojat e saj të brendshme, që arrinë në 2.5 miliardë metra kub në vit. Vendi ballkanik gjithashtu mbështetet në depon e tij të gazit të nëntokës Banatski Dvor, ndërtuar në bashkëpunim me Gazprom, e cila mund të ruajë 450 milion metra kub dhe mund të zbusë efektet e ndonjë krize të ardhshme të gazit.
Revista Monitor, 07.11.2014