Dhunohen në punë 2 elektriçistë të OSHEE
Operatori i Shperndarjes se Energjise Elektrike, OSHEE, shpreh shqetesim dhe indinjate te thelle lidhur me nje akt kriminal kunder dy punonjesve te kompanise. Gjate ushtrimit te detyres funksionale elektricistet Misir Kumria dhe Shkelqim Baftaj jane goditur me mjete te forta tek pallatet Albakonstruksion. Te dy keta punonjes jane ne gjendje te rende te Qendra e Traumes, ne Spitalin Ushtarak. Dy elektricistet ishin duke kryer prerjen e energjise elektrike per abonente debitore, sipas listes se miratuar nga Drejtoria Rajonale e kryeqytetit ne OSHEE. Dhuna ndaj dy punonjesve te OSHEE u denoncua menjehere ne organet e rendit dhe aktualisht policia ka ndaluar nje person.
Operatori i Shperndarjes se Energjise Elektrike, OSHEE garanton mbare opinionin publik se nuk do te terhiqet as perballe dhunes verbale dhe asaj fizike ne kryerjen e funksioneve te saj. OSHEE ka te gjithe vullnetin dhe impenjimin maksimal per te zbatuar detyrimet e saj ligjore, per te faturuar dhe arketuar energjine elektrike te konsumuar.
OSHEE garanton se cdo konsumator familjar apo biznes paguan energjine elektrike qe konsumon dhe ndryshe nga administrimi i djeshem, askush nuk ve gjoba fiktive ne mes te nates per te rregulluar bilancet , sikunder ndodhte nje vit me pare. Bejme te ditur se ata qe vjedhin energjine elektrike nuk do te gjejne mbeshtetjen e strukturave te kompanise, as permes ryshfetit dhe as permes tarafit, sikunder kane bere deri ne Qershor 2013.
OSHEE deklaron se ne zyrat e Kujdesit ndaj Klientit, numri me i madh i ankesave te qytetareve lidhet me mbifaturime, gjoba te padrejta dhe shkelje te tjera qe datojne kryesisht nga viti 2012-2013 periudhe kur menaxhimi i kompanise ishte ne duart e qeverise se demokrateve. Per keto shkelje, shume ish zyrtare demokrate mund ta kene kujtesen te shkurter, por shqiptaret sigurisht qe nuk i harrojne.
Operatori i Shperndarjes se Energjise Elektrike, OSHEE, i ben thirrje opozites qe te lere menjane deklaratat spekullative dhe mashtrimet publike dhe te tregohet bashkepunuese ne mbeshtetje te shtetit ligjor dhe te mos frymezoje aktet e dhunes dhe refuzimit per te paguar energjine elektrike.
energjia.al 10.09.2014