Mali i Zi, projekti energjetik

Kompania italiane TERNA dhe Operatori i Sistemit të Transmetimit të Malit të Zi nuk arritën një marrëveshje me Kroacinë për ndërtimin e linjës nënujore të energjisë Itali-Mali i Zi.

Pala kroate, që është duke kryer kërkime për naftë dhe gaz në Adriatik, nuk ka pranuar projektin e paraqitur për kabllin nënujor.

Rrugët alternative për ndërtimin e tij do të jenë më shumë të kushtueshme, rreth 70 milionë euro, ndërsa realizimi i projektit do të shtyhet për rreth 6 muaj.

Marrëveshja e re është duke u përgatitur dhe detajet e saj do të publikohen në muajin Shtator.

Scan TV, 21.08.2014