Ismajli priti ambasadorin e Sllovenisë
Ministri i Zhvillimit Ekonomik në Kosovë, Fadil Ismajli ka pritur në një takim ambasadorin e Sllovenisë në Kosovë, Milijan Majhen i shoqëruar nga Marko Agrezh, drejtor teknik i kompanisë “ Termoelektrana Trbovlje” dhe Igor Kushtirin profesor në Universitetin e Lubjanës.
Në takim është diskutuar gjetja e mundësisë së përkrahjes sllovene me ekspertë në fushën e energjisë si dhe shkëmbimi i përvojave të dyja shteteve në këtë fushë.
Me këtë rast ministri Ismajli ka pohuar se çdo përkrahje e mundshme nga ana e ekspertëve slloven është e mirëseardhur për Kosovën.
Pala sllovene gjithashtu ka shprehur interesim për të parë mundësinë e rivitalizimit të disa njësive të “TC Kosova A”.
energjia.al 31.01.2014