Mashtrimi i qeverisë “Berisha” me pagesat e minierave dhe kompanive naftënxjerrëse, METE kontroll raportit EITI 2009

Ministria e Ekonomisë, Tregtisë dhe Energjisë do të kontraktojë një firmë konsulente audituese për raportin e parë të Nismës së Transparencës në Industritë Nxjerrëse (EITI ose NTIN) të vitit 2009. Ministria e Ekonomisë, Tregtisë dhe Energjisë (METE) e Republikës së Shqipërisë njofton në faqen e saj zyrtare online se ka marrë financime nga Banka Botërore në drejtim të kostos së zbatimit të Nismës së Transparencës në Industritë Nxjerrëse (EITI ose NTIN), dhe synon të aplikojë pjesë e të ardhurave për shërbime konsulente: “Përzgjedhja e një firme si një administrator i pavarur të përgatisë dhe të bashkërendojë Raportin e Parë EITI”. Shqipëria ka bërë një kandidim zyrtar te EITI në Maj 2009.

Ky është një vend tradicional i minierave me rezerva të konsiderueshme në krom, bakër dhe hekur-nikel, si dhe në prodhimin e konsiderueshëm të naftës së papërpunuar. Të dyja, minierat dhe nafta kontribuojnë një proporcion të rëndësishëm dhe në rritje të të ardhurave të qeverisë për zhvillim. Në dritën e kësaj, qeveria është plotësisht e vetëdijshme për rëndësinë e qeverisjes së mirë të sektorit, transparencës dhe të llogaridhënies. Për të siguruar se objektivi është arritur, Qeveria e Shqipërisë kërkon shërbimet e një firme audituese të pavarur për të mbledhur dhe bashkërenduar të gjitha materialet, pagesat e bëra nga kompanitë e minierave dhe të naftës të lidhura dhe të pagesave të marra nga qeveria për vitin fiskal 2009. Objektivi i kësaj konsulence është që të mbledhë, shqyrtojë, analizojë dhe deri në masën e rënë dakord, mosbashkërendimi i të dhënave nga kompanitë operative të minierave dhe të naftës dhe të ardhurat e marra nga qeveria prej këtyre kompanive, për të siguruar se kjo është transparente në pagesat e bëra nga këto kompani, dhe se pagesat janë bërë të përshtatshme dhe në kohën e duhur.

Periudha e zbatimit do të jetë 5 javë. Sekretariati EITI i EITI Shqipërisë fton konsulentë të ligjshëm për të treguar interesin e tyre në ofrimin e shërbimeve. Konsulentët e interesuar duhet të sigurojnë të dhëna që tregojnë që ata janë të kualifikuar për kryerjen e shërbimeve (broshura, përshkrimin e detyrave të ngjashme, eksperiencë në kushte të ngjashme, disponueshmërinë e aftësive të përshtatshme ndërmjet stafit, etj.) Konsulentët mund të bashkohen për të rritur kualifikimin e tyre. Firma konsulente do të përzgjidhet në përputhje me procedurat e përcaktuara në Udhëzimet e Bankës Botërore: “Përzgjedhja dhe Punësimi i Konsulentëve nga Huamarrësit e Bankës Botërore”. Metoda e përzgjedhjes do të jetë kualifikimi konsulentit, selection (CQ), sipas procedurave të përcaktuara në Udhëzimet e Bankës Botërore: “Përzgjedhja dhe Punësimi i Konsulentëve nga Huamarrësit e Bankës Botërore, 6 maj 2004”.

Raporti i parë

Në raportin e parë të EITI bazuar mbi të ardhurat e qeverisë dhe pagesat e bëra nga kompanitë e naftës, gazit, dhe sektorit të minierave gjatë vitit 2009, totali i të ardhurave të raportuara nga qeveria arriti shumën 33.000.000 USD. Përveç kompanisë kombëtare Albpetrol, të gjithë kompanitë e tjera që operojnë në sektorin e gazit dhe naftës në Shqipëri raportuan në EITI. Raporti tregon se 93% e të ardhurave të qeverisë që janë raportuar erdhi nga sektorin e naftës dhe gazit. Pavarësisht nga numri i madh i kompanive që operojnë në sektorin e minierave, të ardhurat e qeverisë nga ky sektor rezultuan relativisht të vogla, ku gjatë vitit 2009 arritën shumën e 2 milionë dollarëve . Nga të 31 kompanitë minerare me një prodhim relativisht të rëndësishëm, vetëm gjashtë ndërmarrje, të vogla dhe të mesme nuk raportuan të dhënat në kohë për t’u përfshirë në raport. Raporti mbulonte tre minerale: kromin (13 kompani), bakrin (13 kompani) dhe nikelin (5 kompani).

Gazeta Sot, 02.10.2013