Eksklusive: Sot (nuk) hiqet licensa e CEZ-it ne Bullgari

Komisioni Rregullator i Energjise ne Bullgari do te mblidhet sot per te shqyrtuar heqjen apo jo te licenses se CEZ-it ne kete vend. Komisoni do te zhvilloje nje seance publike te hapur per te vendosur mbi heqjen e licenses se “CEZ Electro Bulgaria” me numer license L-135-11/29.11.2006 “Per furnizimin publik me energji”. Komisioni thekson se mbledhja do te filloje ne oren 10.00, ne zyrat e komisionit.

Me shume interes pritet vendimi i ketij Komisioni, i cili eshte ne presionin e Kryeprokurorit Bullgar Sotir Tsatsarov. Ky i fundit deklaroi ne 16 mars se “Kontrolli qe po vazhdon ka treguar parregullsi masive ne aktivitetet e CEZ-it lidhur me llogaritjet e llogarive te klienteve”. Prokuroret bullgare kane kerkuar nga Rregullatori shteteror qe te revokoje (heqe) licenses e kompanise CEZ per shkak te abuzimeve masive rregullatore.

Analistet vleresojne se vendimi mund te shtyhet mbas 12 majit, dite kur zhvillohen zgjedhjet e parakohshme, ne menyre qe te percaktohet qeveria e re. Sidoqofte, Kryeministri Borisov eshte shprehur vazhdimisht per heqjen e licenses se kompanise CEZ.

energjia.al, 16.04.2013