info@energjia.al

Një konflikt që vijon prej disa vitesh ka degjeneruar këtë të martë me dhunë fizike mes disa personave, ku dy prej tyre kanë mbetur të plagosur.

Policia njoftoi se ngjarja ka ndodhur në një hidrocentral në zonën e Martaneshit, ku 5 punonjës të hidrocentralit të Valikardhit janë qëlluar me mjete të forta nga persona të paidentifikuar. Ata po punonin për hapjen e kanaleve ujëmbledhëse për veprën hidrike, ndërsa dy prej tyre kanë përfudnuar në spitalin e Bulqizës.

Të lënduarit janë shtetasit G.B, rreth 50 vjeç, banues në Elbasan dhe shtetasin K.R, rreth 45 vjeç, banues në Shupenzë. Por korespondeti i Ora News ka kontaktuar me drejtorin e përgjithshëm të hidrocentralit të valiakardhit, Lulzim Lalosha, i cili ka thënë se personat që dhunuan punonjësit ishin fshehur në pyll.

Sipas tij, pasi kanë dalë nga zona ku idhin fshehur, ata kanë qëlluar disa herë në ajër me armë zjarri, dhe më pas kanë dhunuar punëtorët e hidrocentralit. Drojtori thotë se e gjithë ngjarja është regjistruar në Liqenin e Parthës në Tërnovë.

Mësohet se njëri prej të plagosurve është në gjendje më të rënduar. Policia nuk ka emra konkretë dhe persona të dyshuar si autorë të plagosjes.

Situata të tilla konfliktuale vojojnë prej gati pesë vitesh, ku në një rast banorët e zonës i vunë flakën një pjese të tij. Po ashtu, janë zhvilluar edhe protesta kundër kësaj vepre hidrike, me pretendimin se nuk janë respektuar kushtet e kontratës. Ajo që ka ndodhur këtë të martë, është një këmbanë alarmi për të parandaluar përshkallëzimin e situatës, dhe pse jo për të parandaluar që herën tjetër të ketë edhe viktima.

Ora News,  11.10.2017

Një bombol gazi ka shpërthyer mëngjesin e kësaj të marte në një banesë në Kurbin të Lezhës, ku për pasojë ka mbetur e plagosur një prej banorëve të shtëpisë.

Sipas të dhënave të fundit, ngjarja ka ndodhur rreth orës 07:40. Nga shpërthimi i bombolës, e vendosur në ballkonin e shtëpisë, ka mbetur e plagosur shtetasja me inicialet M.G.

Pasi ka marrë ndihmën e parë në spitalin e Lezhës, 24-vjeçarja është dërguar për mjekim të specializuar në Spitalin e Traumës në Tiranë.

Top Channel,  03.10.2017

Arrest me burg ka dhënë masën e sigurisë Gjykata e Shkallës së Parë Shkodër për Dedë Gurin 60 vjecarin i cili është autori i plagosjes së 33 vjecarit Fatmir Zyla ngjarje e ndodhur në Unazen Lindore të Qytetit të Shkodrës mbrëmjen e 3 gushtit.

Nga sa mësohet autori Dedë Guri ka pranuar autorësinë e plagosjes para gjykatës dhe mësohet se është shprehur se nuk ka pasur qëllim vrasjen e tij dhe se cdo gjë e ka bërë në vetëmbrojtje. Ndërsa nga ana tjetër ka kërkuar përmes avokatit mbrojtës që masa e sigurisë arrest me burg e kërkuar nga prokuroria të zëvëndësohet me arrest shtëpie. Çka është refuzuar nga gjyaka e cila ka caktuar masën e sigurisë arrest me burg për 60 vjecarin Dedë Guri.

Gjithashtu është zhvilluar edhe gjyqi ndaj të plagosurit Fatmir Zyla, séanca gjyqësore u zhvillua ne Spitalin e Shkodrës ku I dëmtuari ndodhet nën kujdesin e mjekëve për shkak të plagëve të marra dhe ndërhyrjes kururgjikale që ka pasur. Gjykata ka caktuar masën e sigurisë arrest me burg me afat 22 ditë për 33 vjecarin i cili nga prokuroria akuzohet për armëmbatjte pa leje dhe kultivim dhe shitje të lëndëve narkotike. Akuza këto që janë mohuar nga 33 vjecari, i cili është shprehur se konflikti mes tij dhe Dedë Gurit ka nisur për shkak të faturës së dritave.

Nga ana tjetër vjehrra e të plagosurit Fatmir Zyla, 62 vjecarja Mire Legjeja, para gjykatës është shprehur se arma e gjtur është e saj si dhe lënda narkotike. Madje ajo mësohet të ketë thënë se armën e ka mbajtur në shtëpi pasi jeton e vetme për vetëmbrojtje, ndërsa lëndën narkotike e ka kultivuar vetë dhe e ka përpunuar me qëllim shitjen e saj. Gjykata ka vendosur nga 62 vjecares masën e sigurisë arrest shtëpie me mbikqyrje elektronike. Konflikti mes Dedë Gurit dhe Fatmir Zylës mësohet të ketë nisur për shkak të faturave të pa shlyera nga 33 vjecari, i cili kishte me qëra një lokal në Unazën lindore të Shkodrës pronë e shtetasit Dedë Gurit, ky konflik për shkak se 60 vjecari ka kërkuar shlyerjen e detyrimeve, por 33 vjecari ka refuzuar për shkak të pretendimit se shtëpia e cila ndodhet mbrapa lokalit pronë e 60 vjecarit është furnizuar me energji elektrike.

Në momentin e plagosjes së 33 vjecarit, mësohet të ketë qenë vjehrra e tij e cila të ketë nxjerrë armën e zjarrit tip pistoletë për të qëlluar ndaj Dedë Gurit, por mësohet se arma nuk ka shkrepur.  Dedë Guri mësohet të ketë qenë I arrestuar nga  policia nën akuzen e vjedhjes së energjisë elektrike në vitin 2013-të.

Ora News,  08.08.2017

Një i vdekur, 2 në rrezik për jetën, 20 të plagosur dhe mbi 4 milionë euro dëm ekonomik është bilanci i 13 shpërthime të bombolave të gazit përgjatë 7 muajve të parë të vitit 2017.

Rasti më i fundit i përket zjarri të një dite më parë ku nëVelipojë një resort turistik u përfshi nga flakët dhe shkak ishte bombola e gazit, ndërsa këto ngjarje nuk kanë munguar as në banesa private, pallate, biznese dhe pika shërbimi.

Ekspertizat e hetimeve të prokurorisë kanë nxjerrë se dëmi ekonomik përfshin dëmtimet në banesa, biznese, si dhe koston mjekësore të paguar nga shteti për të lënduarit në këtë periudhë dhe në të gjitha rastet ka rezultuar se bombolat ose kanë qenë jashtë parametrave teknik ose janë vendosur në shkelje ligjore.

Sipas legjislacionit në fuqi, bombolat metalike duhet të hiqen nga qarkullimi dhe të zëvendësohen me ato plastike, por situate në terren është alarmante ku nuk kanë munguar dhe pasojat.

Shqiptarja.com  31.07.2017

Një minator në minierën e Martaneshit është plagosur rëndë teksa po punonte.

Avni Heti 45- vjeç ka mbetur i plagosur në momentin që ishte  duke nxjerrë krom në 1200 m thellësi.

Mësohet se shkak për plagosjen e tij ka qenë shkëputja e një shkëmbi që i ka rënë 45- vjeçarit në kurriz.

Burime për Report Tv bëjnë me dije gjendja e tij shëndetësore është shumë e rëndë për këtë arsye është dërguar një helikopter për transportimin e tij në Spitalin e Traumës në kryeqytet.

Shqiptarja.com  31.01.2017

Dy të rinj kanë mbetur të plagosur, pasi kanë rënë në kontakt me energjinë elektrike. Mësohet se ngjarja ka ndodhur në një lokal në Durrës.

Të plagosur kanë ngelur Shtetasit O.B. 15 vjeç dhe L.GJ. 30 vjeç, teksa ishin duke kryer disa punime në lokalin e shtetasit F.H në Hamallaj.

Raportohet se 15-vjeçari ndodhet në QSUT jashtë rrezikut për jetën, ndërsa 30-vjeçari është në gjendje të rëndë.

Gazeta Shqip,  28.06.2016

Një 69-vjeçar në Gjirokastër i cili ka qenë duke gjuajtur peshk, ka rënë në kontakt me rrymën elektrike dhe ka marrë plagë të rënda në trup.

Sipas të dhënave i plagosuri është Vasil Papa 69-vjeç nga lagja Granicë dhe është goditur nga korenti duke gjuajtur peshk në lumin Drino, nga kontakti i pavullnetshëm i kallamit të peshkimit me një nga përcjellësat linjës së tensionit të lartë.

Menjëherë 69-vjeçarit i është dhënë ndihma e parë nga peshkatarët që ndodheshin pranë tij, ndërkohë që për mjekim më të specializuar është nisur drejt spitalit të Traumës në Tiranë.

Shqiptarja.com  23.05.2016

Një 38-vjeçare ka mbetur e plagosur në Bulqizë, ndërsa përpiqej të nxirrte mineral kromi nga zona D e minierës. 

Burime policore njoftuan se e plagosura, 38-vjecarja M. Islami, nënë e dy fëmijëve, u lëndua pasi një gurë e goditi në kokë.

Menjëherë pas ngjarjes ajo u transportua në spital dhe aktualisht po kurohet në spitalin e Peshkopisë.

Policia lokale e Bulqizes ben me dije se ka nisur menjeherë hetimet per zbardhjen e kesaj ngjarje te rende.Nderkohe merret vesh se ne komisariatin e Bulqizes jane shoqeruar përgjegjësi dhe drejtuesi teknik i firmes ku punonte 38-vjeçarja.Shpeshhere ne Bulqize ka pasur aksidente te kesaj natyre, dhe me problematike ka qene dhe punimi i femijeve ne stoqet private, ku janë rrezikuar shpesh here gjate germimit duke nxjerre krom ne keto stogje.

Top Channel,  21.02.2015

Një aksident me plagosjen e një minatori ka ndodhur pasditen e së mërkurës në ambjentet e minierës së Bulqizës.

Autoritetet lokale bëjnë me dije se, ngjarja është verifikuar në nivelin 14 të minierës si pasojë e rrëshqitjes së një masivi të vogël gurësh.

Sipas burimeve, minatori i plagosur, 43-vjeçari Rrahman Hasa, është nxjerrë jashtë nga kolegët e tij dhe është dërguar në spital, ku sipas informacioneve të fundit është jashtë rrezikut për jetën.

Top Channel, 28.01.2015

Një person është vrarë armë zjarri paraditen e së premtes në Kalimash, ndërsa i biri i tij 20-vjeçar ka mbetur i plagosur dhe është në gjendje të rëndë.

Burime policore lokale njoftojnë se i plagosur nga të shtënat ka mbetur edhe vëllai i viktimës, por që për fat të mirë është jashtë rrezikut për jetën.

Viktima mësohet të jetë shtetasi me emrin Batusha, ndërsa policia ka shpallur në kërkim të dyshuarin si autor të vrasjes, Muharrem Burgjisha.

Sipas të dhënave të policisë, vrasja ka ndodhur pas një konflikti të gjatë për galeritë ilegale të kromit që ndodhen në këtë zonë. Më herët gjatë vitit Ministria e Energjitikës bllokoi të gjitha galeritë e paligjshme, por duket se banorët i kanë hapur sërish ato.

Përplasjet për pronësinë mbi to dhe të drejtën e nxjerrjes e më pas të shitjes së mineralit të kromit kanë shkaktuar shpesh konflikte të ashpra.

Në konfliktin më të fundit palët e përfshira nuk kanë ngurruar të përdorin edhe armët e zjarrit. Forca të shumta policie ndodhen në zonë për shkak të tensionit mes dy familjeve, ndërsa kanë nisur shoqërimet e para.

Top Channel, 25.07.2014