IEA: Rënia e kërkesës për naftë më e madhja në histori këtë vit

Agjensia Ndërkombëtare e Energjisë (IEA) pret që rënia e kërkesës për naftë këtë vit të jetë më e madhja në histori, por beson se ka shenja që tregu mund të arrijë “një gjendje më të qëndrueshme” gjatë muajve të ardhshëm.

Çmimet e naftës kanë rënë rreth 40 për qind nga viti në ditë (e martë), pasi masat kufizuese të vendosura për të ngadalësuar përhapjen e koronavirusit shkaktuan një tronditje të pashembullt të kërkesës në tregjet e energjisë.

IEA tha së kërkesa për naftë në tremujorin e dytë, ku ndikimi nga masat bllokuese qe më i madh, ishte 17.8 milionë fuçi në ditë më pak, krahasuar me të njëjtën periudhë të vitit të kaluar. Ky nivel i ulët i kërkesës ishte pak më pak sesa kishte pritur më parë grupi.

Në raportin e saj, agjensia e energjisë me qendër në Paris tha të martën se kërkesa pritej të binte me 8.1 milion fuçi në ditë në vitin 2020, përpara se të rritet me 5.7 milion fuçi në ditë në vitin 2021.

Kjo do të thotë që rënia e pritshme e kërkesës për naftë këtë vit arrin në nivelet më të mëdha në histori, tha IEA, me rritjen e kërkesës në vitin 2021 që parashikohet ë jetë kërcimi më i madh një vjeçar i regjistruar ndonjëherë “pasi aktiviteti fillon të kthehet në normalitet në të gjitha nivelet e mëdha të ekonomisë.”

Ndërkohë, parashikimi i IEA-s për kërkesën e naftës në vitin 2020 është 91.7 milionë fuçi në ditë, afro 500 mijë fuçi më i lartë në ditë nga sa pritej në maj.

“Deri më tani, iniciativat në formën e marrëveshjes OPEC + dhe takimi i ministrave të energjisë G20 kanë dhënë një kontribut të madh për rikthimin e stabilitetit në treg. Nëse tendencat e fundit të prodhimit mirëmbahen dhe kërkesa përmirësohet, tregu do të jetë në një pozitë më të qëndrueshme deri në fund të gjysmës së dytë. Sidoqoftë, ne nuk duhet të nënvlerësojmë pasiguritë e mëdha”, shtoi grupi.

Monitor,  17.06.2020