Publisher is the useful and powerful WordPress Newspaper , Magazine and Blog theme with great attention to details, incredible features...

Nafta pëson rritje të rrufeshme çmimesh, sulmohen rafineritë në Arabinë Saudite

Sulmet ndaj rafinerive të naftës në Arabinë Saudite kanë shkaktuar një rritje të rrufeshme të çmimit të naftës në tregjet globale.

Monarkia e gjirit është eksportuesi më i madh i naftës bruto në botë dhe goditja me drone, dy strukturave strategjike në fundjavë e reduktoi prodhimin me 5,7 milionë fuçi në ditë. Kjo do të thotë gati gjysma e prodhimit të vendit, e barazvlefshme me 5% të konsumit të përditshëm global, duke shkaktuar kështu dëmin më të madh prej një ngjarjeje të vetme për tregjet e arit të zi.

Mbrëmjen e së dielës, nafta bruto u kuotua 15% më lart në SHBA, benzina 11% dhe ajo Brent 18%. Mëngjesin e së hënës, rritja preku edhe tregjet aziatike, duke bërë që brenti, me 66, 55 dollarë për fuçi të mbërrijë nivelin më të lartë që prej luftës së gjirit Persik në 1991, kur u shit për 71,75 dollarë fucia.

Vazhdon sakaq paqartësia lidhur me organizatorët e sulmit ashtu sic nuk dihet ende se nga u lëshuan raketat që goditën të shtunën objektin saudit të prodhimit të naftës. Shtetet e bashkuara fajësuan Iranin, e madje u shprehën dhe të gatshme të ndërhyrjnë, në një kohë kur përgjegjësinë e pretenduan rebelet Huthi që luftojnë prej vitesh ne Jemen me forcat qeveritare.

Top Channel,  16.09.2019