Furnizimi botëror me naftë shënon rënie

Sipas Organizatës së Vendeve Eksportuese të Naftës (OPEC), në krahasim me muajin mars 2019, furnizimi botëror i naftës në muajin prill 2019 ka shënuar rënie me 0.07 milionë fuçi në ditë.

Sipas raportit, prodhimi i naftës së papërpunuar i OPEC-ut ka mbetur paksa i pandryshuar nga muaji i kaluar në mesataren 30.03 fuçi në ditë, përcjell Telegrafi.

Megjithatë, furnizimi nga vendet që nuk janë pjesë të OPEC-ut, është ulur me 0.07 milionë fuçi në ditë nga muaji në muaj në mesataren 68.79 fuçi në ditë dhe duke u rritur me 2.62 milionë fuçi në ditë nga viti në vit. Rënia e furnizimit nga vendet që nuk janë pjesë e OPEC-ut u nxit kryesisht nga Kazakistani, Kanadaja, Kina dhe Rusia. 

Shpërndarja e naftës së papërpunuar e OPEC-ut në prodhimin botëror mbeti i pandryshuar në 30.4 për qind në muajin prill 2019, krahasuar me muajin mars 2019.

Prodhimi i naftës bruto u ul kryesisht në Iran, Arabi Saudite dhe Angolë, ndërsa prodhimi u rrit në Irak, Nigeri dhe Libi.

Telegrafi,  15.05.2019