Brexit mund të rrisë faturat e energjisë

Brexit mund të rrisë faturat e energjisë, thonë kompanitë e energjisë, sepse barrierat tregtare kërcënojnë të rrisin koston e importimit të gazit dhe energjisë elektrike në të gjithë vendin.

EDF dhe Engie e Francës dhe organi i industrisë energjetike të Mbretërisë së Bashkuar u kërkuan politikanëve të shmangnin vendosjen e tarifave ose barrierave në tregtinë e energjisë përgjatë kufijve, raporton The Guardian.

Në një letër drejtuar Jean-Claude Juncker, presidentit të Komisionit Evropian dhe kryeministres britanike Theresa May, ata thanë se vendosja e kostove për përdorimin e interkonektorëve – kabllot e energjisë elektrike dhe gazit midis Britanisë së Madhe dhe fqinjëve të saj evropianë – do të goditnin konsumatorët dhe do të cënonin betejën kundër ngrohjes globale.

Rrjedha e lirë e energjisë nëpër interkonektorë ishte e domosdoshme për të mbajtur “një fushë loje të barabartë që i ul shpenzimet për konsumatorët dhe siguron de-karbonizim dhe siguri të furnizimit”, thanë grupet. Ndërlidhësit aktualisht përbëjnë 6% të furnizimit me energji elektrike britanike, por kjo pjesë pritet të rritet së shpejti në një të pestën e totalit.

Mbretëria e Bashkuar shihet në Bruksel si një kontribues progresiv në politikën e BE-së për ndryshimin e klimës. Letra gjithashtu shprehu shqetësime se çdo ndikim në interkonektorët mund të godasë luftën kundër ngrohjes globale, sepse ato shihen si të dobishme për balancimin e furnizimeve me energji duke garantuar një burim energjie kur era apo energjia diellore nuk janë në dispozicion.

The Guardian,  06.09.2018