Vjedhin 400 litra naftë, arrestohen
Policia e Fierit ka arrestuar 4 shtetas, 3 prej tyre punonjës të SHPSF “Pelikani”, për vjedhjen e 400 litrave naftë.
Piro Gjini (50 vjeç), Endri Buzi (21 vjeç) dhe Hyqmet Gremi, 40 vjeç, në bashkëpunim me njëri-tjetrin, nëpërmjet veprimeve korruptive dhe shpërdorimit të detyrës për një periudhe kohore dyjavore, kundrejt marrjes se ryshfetit, kanë vjedhur duke shpërdoruar detyrën në objektin që kishin nën ruajtje një sasi prej 400 litra naftë si dhe një sasi prej 75 copë tranversa në pronësi të firmës nënkontraktuese e Gazsjellësit TAP.
Gjithashtu, u arrestua në flagrancë shtetasi Karafil Agaçi, 32 vjeç, banues në fshatin Suk të Rroskovecit. Arrestimi i këtij shtetasi u bë pasi ky shtetas ka përvetësuar nëpërmjet korruptimit të punonjësve të SHPSF “Pelikani”nje sasi prej 55 copë tranversash, të cilat i’u gjetën dhe sekuestruan në cilësinë e provës materiale.
Top Channel, 02.03.2017