Nga energjia te gazi, 50 liçenca deri në nëntor 2016
Enti Rregullator i Energjisë pati një vit aktiv gjatë 2016 e lidhur kjo me kuadrin ligjor të nevojshëm për plotësimin e paketës ligjore të nevojshme për modelin e ri të tregut, por kjo nuk ka kufizuar licencimin e operatorëve të rinj në treg.
Nga të dhënat e ERE rezulton se deri në nëntor 2016 janë dhënë me shumë se 50 licenca në disa lloje aktivitetesh që nisin nga prodhimi e tregtimi i energjisë elektike tek tregtimi apo furnizmi i gazit. Por si paraqitet në shifra për secilën kategori licencimi?
Për prodhim energjie në total janë dhënë 21 licenca, për treg energjie 17 licenca, kurse për furnizim energjie vetëm 9 licenca. Në lidhje me gazin janë dhënë vetëm dy licenca ku e para është për furnzimim dhe e dyta për tregtim.
Në fund është dhënë edhe një licencë për prodhim energjie nga impianti i përpunimit të mbetjeve. Dhënia e licencave të reja ka të bëjë kryesisht me futjen në funksion të hidrocentraleve të reja. Kompanitë në shumicën e rasteve duhet të plotësohen me të paktën dy nga këto licenca që janëprodhim dhe tregim energjie.
Në vitin 2016 në prodhim u fut edhe hidrocntrali i Banjës i Devoll Hydropoëer ndërsa në sy bie edhe licenca dhënë Albtek Energy , impiant që do të prodhojë energji nga përpunimi i mbetjeve në Elbasan.
Licencat 2016
Prodhim të energjisë elektike 21
Tregtim energjie 17
Furnizim energji elektrike 9
Furnizim gaz 1
Tregtim gazi 1
Prodhim energjie nga impianti i mbetjeve 1
Scan TV, 26.12.2016