Shkrumbohet hoteli, shkak shkëndija elektrike

Një zjarr i përmasave të mëdha ka rënë në një hotel në zonën e plazhit në Shëngjinit, por fatmirësisht nuk ka pasur pasoja në njerëz.

Në vendin e ngjarjes shkuan automjetet e shërbimit zjarrfikës të cilët kanë puuar për shuarjen e flakëve të zjarrit.

Policia ka nisur hetimet, por paraprakisht dyshohet se shkak për këtë zjarr është bërë një shkëndijë elektrike.

Përgjegjësi i zjarrfikësve të Lezhës Agustin Pepkolaj tha se njoftimi i menjëhershëm bëri që zjarrfikësit të mbërrijnë në kohë duke vënë nën kontroll situatën dhe duke shmangur përhapjen e flakëve.

Sipas tij ka pasur vetëm disa dëme materiale, por ka garantuar pushuesit në këtë hotel dhe të gjithë Shëngjinin se, gatishmëria është absolute dhe se nuk përbën asnjë rrezik për ta.

Shqiptarja.com  16.08.2016