KESH eksporton energji për 15 ditë

KESH ka shitur për llogari eksporti 37760 megavatorë energji elektrike për periudhën 14 deri me 31 mars. Sipas njoftimit zyrtar 7 kompani u kontraktuan duke e shitur energjinë me një çmim mesatar 24.4 megavat. Në një kohë që çmimi i bursës së Hungarisë për këtë periudhë, i cili merret si referencë për këto ankande ishte 36 euro për megavat. KESH e ka shitur energjinë 32 për qind me lirë se, çmimi i bursës.

Ekspertët që merren me shitjet benë me dije se Shqipëria ka kosto të larta të larta të transmetimit për shkak të linjave të kufizuara të transitit. Këto kosto në mesataren e tyre janë 6 euro për megavat por, nëse një nga linjat e transmetimit rastis në remont mund të jenë edhe më të larta.
Kompanitë që dominuan blerjen ishin operatorët tradicionale EFT dhe GSA.
KESH i ka shitur edhe OSHE për dhjetëditëshin e fundit të muajit mars rreth 270 megavat për mbulimin e humbjeve me çmimet referencë të bursës së Hungarisë.

Korporata Elektroenergjitike Shqiptare mbështetur në “Rregullat dhe procedurat e shitjes se energjisë elektrike”, njoftoi se ka miratuar me Vendimin nr.1, date 10.01.2011 të Bordit të “Komisionerëve të ERE-s, si dhe në zbatim të urdhrit të Titullarit të Autoritetit Shitjes për zhvillimin e procedurës së shitjes me subjekt “Për shitje te energjisë elektrike për periudhën 14.03.2015- 31.03.2015”.
Komisioni i Shitjes së energjisë elektrike zhvilloi procedurën e shitjes së energjisë elektrike duke ftuar të marrin pjesë shoqëritë tregtare dhe prodhuese për të paraqitur ofertat e tyre. Pas dërgimit të ofertave nga shoqëritë tregtare dh se prodhuese, komisioni i shitjes administroi dhe vlerësoi ofertat e paraqitura prej tyre. Shoqëritë qe shprehen interes janë si me poshtë:

1-Shoqëria GEN-I Tirana shpk;
2-Shoqëria GEN-I Athens SMLLC;
3-Shoqëria GEN-I doo Beograd;
4-Shoqëria EFT AG;
5-Shoqëria AXPO doo Beograd ;
6-Shoqëria GSA sh.p.k;
7-Shoqëria AXPO Romania;
8-Shoqëria N4T Beograd;
9-Shoqeria Energy Supply.

Më pas komisioni i shitjes vazhdoi procedurën e negocimit me 9 shoqërite prodhuese/tregtare që paraqitën interes në procedurën e zhvilluar nga KESH sh.a. më datë 12.03.2015 për ”Shitje te energjisë elektrike për periudhën 14-31.03.2015”.
Në përfundim të procedurës së negocimit dhe me qellim shitjen e sasisë se energjisë elektrike, KESH sh.a. me date 13.03.2015 përcaktoi fituesit.

Revista Monitor, 20.03.2015