Meta në Marok, bashkëpunim në energji
Meta takon Aamara: Shqiperi-Marok bashkepunim ne fushen e energjise se rinovueshmeMAROK- Ne perfundim te vizites se tij zyrtare ne Mbreterine e Marokut, Kryetari i Kuvendit zhvilloi nje takim me Ministrin e Energjise, Minierave, Ujerave dhe Mjedisit te Marokut, z. Abdelkader Aamara me te cilin diskutuan mbi rritjen e bashkepunimit ne fushat e energjise se rinovueshme, burimeve natyrore, menaxhimit te ujerave dhe mbrojtjes se mjedisit ne pellgun e Mesdheut.
Kryetari i Kuvendit Meta u shpreh se duke marre ne konsiderate kapacitetet dhe nevojat respektive te te dy vendeve ne burime natyrore dhe energjetike, ekziston nje potencial i madh per rritjen e bashkepunimit te ndersjelle.
Ministri Aamara, duke bere nje prezantim te situates energjetike dhe strategjise se qeverise per ta kthyer vendin ne nje kryqezim energjetik, u shpreh se Maroku eshte i gatshem te bashkepunoje me Shqiperine, si permes shfrytezimit te kapaciteteve ekzistuese natyrore, ashtu edhe ne kuader te avancimit te teknologjive te reja.
Z. Meta theksoi se gjate kesaj vizite ne Marok, ka shprehur mbeshtetjen e Kuvendit te Shqiperise per intensifikimin e shkembimeve mes dy qeverive, duke inkurajuar ne veçanti thellimin e kuadrit ligjor midis dy ministrive respektive te energjise ne funksion te diversifikimit te tregut energjetik ne pellgun e Mesdheut dhe perfitimit te rezervave natyrore reciproke.
Ne perfundim, z. Meta dhe z. Aamara nenvizuan rendesine e shkembimit te eksperiences dhe paketave legjislative ne drejtim te shperndarjes se energjise, menaxhimit te ujerave, burimeve natyrore dhe mbrojtjes se mjedisit, duke i sherbyer keshtu zhvillimit ekonomik te te dy vendeve.
Balkan Web, 03.11.2014