Shell nuk do përfshihet në projekte me Rusinë
Prodhuesit më të mëdhenj të naftës kanë filluar të tregohen më ‘të tërhequr’ ndaj projekteve të reja në Rusi teksa sanksionet e SHBA dhe BE mbi veprimet e Moskës në Ukrainë po e bëjnë investimin gjithnjë e më të rrezikshëm dhe pasi Kremlini kërcënon të shqyrtojë rolin e Perëndimit në industrinë e energjisë së Rusisë, më i madhi në botë.
Shtetet e Bashkuara dhe Bashkimi Evropian imponuam më shumë sanksione ndaj Rusisë këtë javë si pjesë e masave të tyre për të ushtruar presion mbi Moskën për aneksimin e Krimesë dhe cka ata shohin si mbështetje direkte për separatistët pro-ruse që kanë kanë ‘pushtuar’ ndërtesat publike në Ukrainën lindore.
Komentet e Henry erdhën vetëm pak javë pasi shefi ekzekutiv i Shell, Ben van Beurden vizitoi Rusinë dhe u takua me presidentin rus Vladimir Putin për të marrë pjesë në festimet që shënjojnë 20 vjetorin e projektit të gazit Sakhalin-2, një nga investimet më të mëdha të huaja direkte në Rusi.
Shefi Ekzekutiv i BP, Bob Dudley vizitoi gjithashtu Moskën në fillim të këtij muaji dhe tha se kompania ishte ‘tepër solide’ me investimin e saj në vend, ku ai zotëron një të pestën e naftës kombëtare ‘kampion’ të Kremlinit, Rosneft.
Megjithatë, investitorët janë gjithnjë e më të shqetësuar në lidhje me ekspozimin rus të kompanive më të mëdha të naftës. Kryetari i Rosneft, Igor Sechin një aleat i ngushtë i Putinit, ishte përfshirë në listën e sanksioneve këtë javë, por kompania, së bashku me gjigandin shtetëror të gazit Gazprom dhe drejtuesit e saj, iu shmang sanksioneve për momentin.
Putin tha të martën se Moska nuk shihte asnjë nevojë për sanksione ‘reciproke’, por ka gjasa të rikonsiderojë pjesëmarrjen e kompanive perëndimore në projektet e energjisë.
Richard Hunter, kreu i kapitaleve në Hargreaves Lansdoën Stockbrokers, tha se ekspozimi ndaj Rusisë ishte ndër sfidat kryesore për operacionet e Shell.
Revista Monitor, 02.05.2014