Bankers Petroleum, 1.6 mln euro të ardhura në ditë

Të ardhurat prej shitjeve të naftës nga kompania “Bankers Petrolium” që operon në fushën e Patos-Marinzës arritën në tremujorin e fundit të vitit 2013 në 1.6 milionë dollarë në ditë. Në një deklaratë zyrtarë për median, kompania njoftoi dje se prodhimi në Shqipëri për tremujorin e katërt të vitit 2013 ishte 19 303 fuçi naftë në ditë ose 4.1 % më i lartë se në tremujorin e tretë. Ndërsa prodhimi mesatar i naftës për vitin 2013 ishte 18169 fuçi në ditë ose 21 % më i lartë se në 2012. Nga ana tjetër shitjet e naftës gjatë tremujorit të fundit arritën në 19 710 fuçi në ditë ose 7.5 % më të larta se mesatarja e tremujorit të mëparshëm. Çmimi mesatar me të cilin u shit nafta e Patos-Marinzë ishte rreth 85,71 $ për fuçi, që përfaqëson 78% të çmimit të naftës Brent në bursë prej 109,27 $ për fuçi. Sipas të dhënave zyrtare, gjatë vitit 2013 shitjet mesatare të naftës ishin 18.173 fuqi në ditë, me një çmim mesatar 85,41 $ për fuçi, me një rritje prej 23% krahasuar me vitin 2012. Kompania bën të ditur se gjatë tremujorit të katërt janë shpuar 40 puse horizontale, duke e çuar numrin e tyre në 37. Tridhjetë e tre prej këtyre puseve janë përfunduar dhe vijon puna dhe për shtatë të tjerë që do të vendosen në prodhimin këtë muaj. Kjo e çon numrin e përgjithshëm të puseve të shpuara më 2013 në 146.

Gazeta Mapo, 08.01.2014