Shkup, qytetarët në protestë kundër EVN-së
Dhjetëra qytetarë të Shkupit mbrëmë bllokuan aksin rrugor të njohur si rruga e “ plastikave” në Shkup, për shkak se korporata elektroenergjetike i kishte shkyçur nga rrjeti i energjisë elektrike.
Qytetarët të revoltuar kanë bllokuar komunikacionin në këtë rrugë të frekuentuar që lidh Shkupin me akset rrugore që çojnë drejt Kosovës dhe në destinacionet e tjera. Protesta ka kaluar e qetë dhe se nuk janë evidentuar incidente.
Me protestuesit janë solidarizuar edhe pronarët e disa dyqaneve përreth, të cilët janë revoltuar nga çmimi i lartë i energjisë elektrike dhe mospërballimi nga ana e qytetarëve.
Portali Telegrafi, 12.12.2013