Fier, policia bllokon 42 mijë litra naftë bruto, arrestohen dy persona

Një sasi prej 42 mijë litra naftë bruto janë sekuestruar nga policia e Fierit dhe dy persona janë vënë në pranga mbrëmjen e djeshme për falsifikim të vulave dhe stampave. Sipas policisë Sabaudin Kasa 48 vjeç dhe Shefqet Kasa 58-vjeç janë arrestuar pasi në dy autobote që ata po drejtonin nuk është gjetur lëndë djegëse e llojit të përcaktuar në faturën tatimore të shitjes por naftë bruto e cila dyshohet të jetë e vjedhur.

“Më datë 09.12.2013 në vendin e quajtur “Vija e Ngjales” në dalje të qytetit Fier, është ndaluar shtetasi Sabaudin Kasaj i cili drejtonte automjetin (autobot) me targa FR 5662 .

Nga veprimet e kryera ka rezultuar se lenda djegëse që ndodhej në autobot nuk ishte e llojit SOLAR si ishte përshkruar në Faturen Tatimore të Shitjes , por Naft Bruto e cila dyshohet se është e vjedhur. Në cilesin e provës materiale është sekuestruar 1 (një) autobot me targa FR5662 C i ngarkuar me naft bruto.

Po kështu është bere edhe bllokimi i subjektit privat “Kasa” me administrator shtetasin Shefqet Kasa, ku brenda këtij ambjenti u bllokuan edhe nje autobot tjetër, dhe një sasi e konsiderueshme lënde djegëse naft bruto rreth 42.000 litra.”- bëhet me dije nga policia.

Balkan Web, 09.12.2013