Parlamenti Europian refuzon te ringjalle tregun e karbonit

Parlamenti Europian refuzoi dje te kufizoje numrin e krediteve te karbonit ne treg, sic ju kerkua nga Komisioni Europian. Tregu europian i krediteve te karbonit (EU Emission Trading Scheme) funksionon qe nga viti 2005 ne 27 vendet anetare te BE-se. Kreditet e karbonit jane leje emetimi per CO2, te cilat u jepen cdo vit kompanive me te medha emetuese sipas sasise se karbonit qe ato emetojne. Kreditet deri tani jane dhene falas. Nese nje kompani kapercen sasine e lejuar te emetimit te CO2, duhet te bleje kreditet shtese te nevojshme nga kompanite qe ofrojne te tyret ne tregun e krediteve te karbonit. Kompanite qe kane emetuar me pak CO2 se kreditet e disponuara kane interes financiar te shesin kreditet e pashfrytezuara ne tregun e karbonit. Nese kompania ndotese nuk ka mundesi financiare te bleje kreditet shtese, atehere duhet te investoje ne teknologji te gjelber per te mos kapercyer limitin e emetimeve, ne te kundert gjobitet.
Per shkak te krizes ekonomike vitet e fundit tregu i krediteve ka pare nje ulje te ndjeshme te cmimit te tyre. Cmimi aktual i krediteve eshte 5 euro per nje ton CO2, kur sipas analisteve duhet te jete 25-30 euro per ton qe te kete efektin e deshiruar ne pakesimin e emetimeve. BE-ja i ka vendosur vendeve anetare detyrimin qe brenda vitit 2020 emetimet e karbonit te pakesohen me 20% ne krahasim me vitin baze 1990. Tregu i karbonit eshte krijuar per te ndihmuar ne arritjen e ketij objektivi.
Per te shmangur kolapsin e tregut te karbonit Komisioni Europian i propozoi parlamentit qe per vitin 2013-2015 te pezullohet shitja e krediteve per 900 milion tone CO2. Kjo do te sillte rritjen e cmimit te tyre ne treg.
Javen e kaluar ministrat e mjedisit te Britanise se Madhe, Danimarkes, Frances, Gjermanise, Italise dhe Suedise i shkruan nje leter deputeteve ku u terhiqnin vemendjen se 8 vjet perpjekje per kontrollimin e emetimeve te CO2 do te rrezikoheshin nese parlamenti do te votonte jo.
Grupi i Partive Popullore, grupi me i madh parlamentar ne parlamentin europian, refuzoi propozimin e komisionit me aresyetimin se masa do te sjelle rritjen e cmimeve ne treg dhe do te ule konkurrueshmerine e industrive europiane ne tregun nderkombetar. Industrite prodhuese jane ne krize dhe kosto shtese si cmimi i karbonit do e thellonin kete.
Sipas kreut te komisionit parlamentar europian per mjedisin, Matthias Groote, Parlamenti Europian “mori nje vendim destruktiv”, sipas tij kjo fatkeqesisht “perkon me trendet e fundit europiane”.
Komisionerja europiane per klimen, Connie Hedegaard, fajeson krizen ekonomike dhe financiare per renien e cmimit te karbonit. Kriza ka shkaktuar nje renie te prodhimit industrial per pasoje dhe renie te kerkeses per kreditet e karbonit.
Komisionerja Hedegaard eshte e shqetesuar se gjithe strategjia per ndryshimet klimatike e BE-se eshte e rrezikuar nga vendimi.

Pershtatur nga Grupimi Ekolevizja, 23.04.2013