Dollapi: CEZ Group eshte OK por u keqmenaxhua ne Shqiperi

Administratori shteteror i CEZ, Sahit Dollapi i vene ne kete post pas heqjes se licences nga ERE te kompanise energjetike te energjise CEZ-Shperndarje, deklaroi se situata e rende energjetike nuk erdhi nga kompania qendrore ne Ceki, por se nga keqmenaxhimi i drejtuesve te saj ne Shqiperi.
I ftuar ne studion e lajmeve ne televizionin A1Report, Dollapi tha se deshtimi i menaxhereve te kesaj kompanie e coi vendin ne nje kolaps energjetik, duke ritheksuar vleresimin e tij per kompanine meme CEZ-Group. Ne nje bisede me gazetaren e A1Report, Mira Kazhani, administratori i ri i CEZ tha se pasi analizuan gjendjen e kompanise, sebashku me stafin e tij vleresuan gjendjen emergjente dhe percaktuan nje afat 2 mujor per rikthimin e energjise se qytetareve. “Sot gjithe sasia e nevojshme furnizohet nga KESH”, tha me tej Dollapi.  Nderprerjet kolektive nuk do te ekzistojne me. Keshtu u shpreh Sahit Dollapi ne lidhje me ndeshkimet kolektive te qytetareve, te cilat kohet e fundit kane sjelle vazhdimisht protesta te qytetareve. Dollapi premtoi se nderprerjet e energjise do te jene vetem per ata persona qe nuk paguajne faturat elektrike, ndersa theksoi se faturimet do te jene te ndershme e korrekte. ”Nuk ka me nderprerje kolektive, por prerje individuale per ate qe s’paguan..nuk ka falje te pagesave, te gjitha faturat do te paguhen, jane faturime me korrektesi, s’do kete tolerime”, tha ne studion e A1Report, administratori shteteror i CEZ. Gjate fjales se tij, Dollapi foli edhe per nje rritje te pagave te punonjesve. Ne kete kuader, Sahit Dollapi sqaroi se perse kerkoi qe rroga e tij te ishte 5.5 milione leke te vjetra, ndersa ERE pranoi rrogen me 3 mln. ”Para se te vendosja per kerkesen qe do beja, pyeta se sa e kishte paraardhesi im”, tregon Dollapi. Sipas tij, paga e administratorit te meparshem te CEZ ishte 66 mije euro ne muaj. “Mua me kete page qe kam sot duhet te punoj 32 vjet qe te marr sa merrte ai brenda nje viti”, tha Sahit Dollapi. Ne perfundim te bisedes ne studion e lajmeve te A1Report, administratori shteteror i CEZ, Sahit Dollapi, duke iu referuar eksperiences se “hidhur” se CEZ me qeverine, deklaroi se “kemi vendosur te jemi te hapur per gjithcka”.

Gazeta Shqiptarja.com, 04.02.2013