info@energjia.al

Një zjarr ka rënë në një depo veglash në lagjen 29-Nëntori në qytetin e Vlorës.

Zjarri ka rënë në banesën e shtetasit B.H ndërsa zjarrfikësja ka mbërritur në vendngjarje për të shuar flakët.

Si pasojë e zjarrit nuk ka të lënduar ndërsa dëmet e e shkaktuara nga flakët janë vetëm materiale.

Sipas burimeve nga zjarrfikësit shkak mendohet të jetë një shkëndijë elektrike.

Shqiptarja.com  17.03.2017

Brigada Industriale Profesionale e Mbrojtjes Kundër Zjarrit (BIPMKZ) përveç intervenimeve operative në shuarje të zjarreve në të tri Divizionet e KEK-ut, kryen  intervenime edhe në lokacionet e Komunës së Obiliqit me të cilën kemi një bashkëpunim të shkëlqyer për situata të tilla.

Në vazhdën e intervenimeve që brigada e zjarrfikësve bën për komunitëtin e komunës së Obiliqit, gjatë këtij viti kishte intervenuar edhe në Kompaninë “Bast Trade”,  shuarja e zjarrit në ketë kompani ishte realizuar në kohë optimale me ‘rast edhe intervenimi ishte cilësuar si shumë i sukseshmem.

Kompania  “Bast Trade”,  në shenjë respekti dhe falenderimi ndau mirnjohje për BIPMKZ  për kontributin e dhënë ne situata emergjente, me rastin e festave të fund vitit, kjo kompani ka shprehur dëshirën për të shpërndar edhe nga një dhuratë simbolike për zjarrëfikësit e BIPMKZ.

Ky është treguesi më i mirë që shërbimi i BIPMKZ po tregon një performance të mirë në situata emergjente.

Prandaj, kjo është edhe një dëshmi se përkundër sfidave të prodhimit dhe mbrojtjes së mjedisit, një ndër objektivat e KEK-ut, ka qenë dhe mbetet edhe ndihma e komunitetit në hapësirat ku operon.

Agjensia e lajmeve ekonomia,  27.12.2016

Një bombol gazi i mori jetën fëmijës 4-vjecar gjatë një zjarri që ra pasditen e së martës në katin e 7-të të një pallati në zonën e Unazës se Re në kryeqytet.

Për të parandaluar ngjarje të tilla të rënda, drejtori i repartit zjarrfikës së Tiranës Shkëlqim Goxhaj, i bën apel qytetarve që të pajisen me aparatin sinjalizues për rrjedhjen e gazit. Goxhaj po ashtu kërkon masa të reja shtesë për të goditur pikat e pa licensuara për tregtimin e gazit.

“Gjithësecili që përdor një bombël gazi duhet ta shoqërojë atë me një pajisje që quhet sinjalizues i rrjedhjes së gazit. Në momentin e rrjedhjes së gazit në ambiente lëshon sinjalin e rrjedhjes së gazit. Siguri japin vetëm bomblat që mbushen e ribmushen në SH.A, që janë të pozicionuara jashtë qytetit të Tiranës. Pajisjet që bëjnë mbushjen dhe rimbushjen e bombolave në zona të palicencuara të hiqen dhe tërhiqen menjëherë nga tregu”, tha Goxhaj.

Zjarrfiksi Gazmir Muçollari që mbeti i plagosur lehtë gjatë ngjarjes së të martës, tregon operacionin ku fatkeqsisht nuk u arrit të shpëtohej jeta e fëmijës 4 vjeçar.

“Më tepër janë dëmtime morale. Situata ishte e tillë që nuk kishte kohë për ta shpëtuar fëmijën. Zjarri ishte shumë i fuqishëm dhe në një kohë shumë të shkurtër. Flitet me sekonda. Kemi arritur në kohë rekord, me gjithë trafikun e rënduar që ishte, kemi shkuar për 7 minuta. Shpresoj që kështu situatash mos të ndodhin më, se edhe ne jemi njerëz e kemi ndjenja”, rrëfen Muçollari

Top Channel, 04.02.2016