info@energjia.al

Vetëm pak muaj pas rrëzimit të një vendimi nga ana e Gjykatës Kushtetuese për licencimin e pikave të karburantit duket se qeveria ka bërë korrigjimin e saj.

Në rendin e ditës të mbledhjes së kësaj të mërkure mes të tjerave është edhe ndryshimi në ligjin “Për disa ndryshime dhe shtesa në vendimin nr.970, datë 2.12.2015, të Këshillit të Ministrave, “Për përcaktimin e procedurave dhe të kushteve për dhënien e licencave për tregtimin e naftës bruto dhe nënprodukteve të saj” i propozuar nga Ministria e Energjisë dhe Industrisë.

Sipas draftit tarifa e licencimit  reduktohet nga 5 milionë lekë në masën 3 milionë lekë për stacionet e shitjes së karburanteve që operojnë në territorin e Bashkisë së Tiranës dhe 1 milion lekë për stacionet që zhvillojnë aktivitetin në bashkitë e tjera të vendit.

Në vendimin që rrezoi kushtetuesja propozimi ishte që pagesa për licencimin e pikave në Tiranë të ishte 5 milionë lekë kurse të tjerat 2 milionë lekë. Vendimi i Kushtetueses erdhi pas ankimimit të bërë nga ana e Unionit të Shoqërive Hidrokarbure  i cili edhe për tarifat e reja të propozuara ka shfaqur sërish rezervat e tij më herët.

Scan Tv,  20.04.2017

Një raport i ri i Parlamentit Europian thotë se vendet anëtare nuk kanë bërë mjaftueshëm për të reduktuar shkarkimet e gazeve të automjeteve.

Raporti vjen pas hetimit të skandalit për provat e shkarkimit të Volkswagen-it.

Ligjvënësi holandez Gerben-Jan Gerbrandy mori pjesë në hartimin e raportit të ri.

“Skandali me diezelin do të ishte shmangur nëse shtetet anëtare dhe Komisioni do të kishin ndjekur ligjin europian. Le t’a drejtomë gishtin aty ku duhet,” tha Gerbrandy.

Në përpjekje për të parandaluar përsëritjen e skandalit VW-së, Komisioni Europian propozoi rishikimin rregullave të licensimit të automjeteve dhe kryerjen e provave ndaj tyre.

Një projektligj mbi mbikëqyrjen tashmë ka marrë mbështetjen e Komitetit të Tregut të Brendshëm të Parlamentit Europian.

Agjensia e lajmeve ekonomia,  02.03.2017

Samsung Electronics Co. Ltd lançoi sot në Europë kondicionerin e ri Wind-FreeTM AR9500M të montueshëm në mur, në një event special për mediat europiane dhe partnerët duke riforcuar përhapjen e biznesit të kondicionerëve në Europë.

Wind-FreeTM është teknologjia ekskluzive e ftohjes e Samsung që mban temperaturën e dhomës në kushte të rehatshme, pa ndjesinë e pakëndshme të ajrit të ftohtë duke siguruar një ambient ideal për një gjumë të thellë dhe të rehatshëm. Ky kondicioner është dizenjuar për të zgjidhur dy probleme që janë hasur shpesh nga konsumatorët: parehatia nga ajri i ftohtë dhe faturat e kripura të energjisë.

Ai e arrin këtë efekt, duke shpërndarë ajrin e ftohtë nëpërmjet 21.000 vrimave mikroskopike të ajrit, me një metodë që krijon lëvizjen e ajrit me një shpejtësi më të ulët se 0.15 m/s*. Gjatë sezonit të verës, AR9500M ul temperaturat më shpejt me funksionin “Fast Cooling Mode” dhe automatikisht shkon në gjendjen “Wind-FreeTMCooling Mode” sapo arrihet temperatura e dëshiruar. Ky sistem me 2 hapa është provuar që redukton konsumin e energjisë me më shumë se 72%.**

Të dy këto rezultate janë mundësuar nga zhvillimi i teknologjisë revolucionare të Samsung, “Inverter Dixhital 8-polësh” dhe “Power Boost”. Motori 8-polësh, i cili ka 8 magnete në vend të 4 magneteve të zakonshme, gjeneron më pak lëvizje rrotulluese kështu që kërkohet më pak energji. Teknologjia “Power Boost” shkurton kohën e kompresorit për të arritur maksimumin e Hertz-eve.

Arkitektura unike trekëndëshe AR9500M me një strukturë të përmirësuar lejon të tërhiqet më shumë ajër në të njëjtën kohë, ndërkohë që gjerësia optimale, këndi i tij extra v-blade dhe krahët e kondicionerit, të cilët janë 22% më të mëdha se modelet e mëparshme, gjithashtu sigurojnë që ajri të jetë i freskët dhe të shpërndahet më shpejt, më shumë dhe më gjerë, në mënyrë që të mund të arrijë në çdo cep të dhomës.

AR9500M mund të lidhet dhe kontrollohet në çdo moment dhe kudo që ju ndodheni me anë të një telefoni inteligjent dhe aplikacionit “Smart Home” të Samsung. Përdoruesit mund të rregullojnë temperaturën, të ndryshojnë menunë, të marrin në kohë reale përditësimet për mënyrën se si po operon kondicioneri, të monitorojnë harxhimin ditor të energjisë, të shikojnë për zgjidhje kur nevojitet një riparim dhe të sinkronizojnë disa pajisje të zgjuara me kondicionerin e tyre.

Kjo teknologji e pakrahasueshme është vlerësuar këtë vit me çmimin e njohur “CES Innovation Awards.”

Revista Monitor,  25.01.2017

Ministrat e Arabisë Saudite dolën me një deklaratë ku nënvizonin rëndësinë e zbatimit të marrëveshjes së arritur në nëntorin e kaluar me vendet anëtare dhe jo anëtare të OPEC-ut për të reduktuar prodhimin. Pjesë e kësaj marrëveshje u bë dhe Rusia.
Prodhimi i naftës ruse qëndroi i pandryshuar në nivelin 11.21 milionë fuçi në ditë, në nivelin më të lartë prej 30 vitesh, sipas të dhënave të Ministrisë së Energjisë.
Rusia po përgatitet për të reduktuar prodhimin me rreth 300 mijë fuçi në ditë gjatë gjysmës së parë të vitit 2017, si pjesë e një pakti global me anëtarët e OPEC-ut për të ribalancuar tregun.
Çmimet e naftës u mbyllën në vlerën 56,82$, thuajse duke u dyfishuar nga vlerat e ulëta që pësuan gjatë 2016-s.

Revista Monitor,  09.01.2017

Në vijim të komunikimit të djeshëm nga Kryeministri, administratori i OSHEE-së, z.Adrian Çela doli sot para medieve për të sqaruar më në detaje se si do të zbatohet vendimmarrja e Këshillit Mbikëqyrës të OSHEE-së për reduktimin e kamatëvonesave dhe kategoritë përfituese.

“Që në krye të herës dua të nënvizoj se nga këto masa lehtësuese përfitojnë vetëm ata konsumatorë që janë treguar korrekt me respektimin e aktmarrëveshjeve të firmosura me OSHEE. Pra, kanë paguar rregullisht faturën mujore dhe këstin e shlyerjes së borxheve të prapambetura”, deklaroi kreu i OSHEE-së.

Sipas Çelës, reduktimi i kamatëvonesave vjen si një shpërblim që OSHEE u bën këtyre abonentëve për mbështetjen që po i japin rikthimit të ligjshmërisë në konsumin e energjisë elektrike.

Janë 126,000 abonentë në total ata që përfitojnë reduktim kamate deri në zerim të plotë të saj, me efekt financiar 155 milionë USD.

 66539 janë pensionistë, invalidë dhe ndihmë ekonomike që kanë aktmarrëveshje me të cilat paguajnë sot shlyerjen e borxhit me këste 1000 ose 1200 lekë/muaj.

 59461 janë konsumatorë familjarë që kanë paguar rregullisht këstet prej 2500, 2800 lekësh/muaj

Çdo abonent i kategorisë së parë, pra çdo njëri prej 66539 pensionistëve, invalidëve apo atyre në ndihmë ekonomike do duhet të paraqitet në sportelet e OSHEE me librezën përkatëse. Ai do paguajë shumën simbolike prej 20 lekësh dhe stafi i OSHEE do të amendojë aktmarrëveshjen duke i bërë zerimin e plotë të vlerës së kamatës. Abonenti do të vazhdojë të shlyejë detyrimin që mbetet pas zerimit të kamatës.

Çdo abonent i kategorisë së dytë, pra konsumator familjar që nuk bën pjesë në skemat sociale do paraqitet në sportelet e OSHEE gjithashtu me librezën përkatëse. Ai do të paguajë këstin e radhës dhe do t’i ofrohet amendimi i aktmarrëveshjes e cila parashikon reduktimin me 80% të vlerës së kamatëvonesës.

Ky proces do të jetë i mundshëm për tu kryer duke nisur nga sot 19.12.2016 deri në Qershor 2017. Kjo do të thotë se u jepet mundësi të përfitojnë edhe ata që nuk kanë AKM, ose kanë dalë nga marrëveshja me OSHEE duke mosrespektuar afatet.

Mjafton të jenë pagues të rregullt të kësteve për 6 muajt në vijim deri në qershor 2017 dhe mund të jenë përfitues të zerimit të kamatës për abonentët me këstet mujore 1200 lekë dhe reduktim 80% të kamatës për abonentët familjarë me këst 2800 lekë.

Klientit i duhet te paraqesë
– Kartën e identitetit nëse është personalisht në sportel ose
– Autorizim me shkrim nga mbajtësi i kontratës dhe Kartën ID të klientit dhe të personit që do të paraqitet për pagese

OSHEE do të vërë në dispozicion të çdo KNK listën e abonentëve përfitues. Lista do jetë publike në webin www.oshee.al

Aty do të ketë një opsion, për të kërkuar nëse je apo jo përfitues, duke shkruar numrin e kontratës. Gjithashtu, edhe imediat do kenë mundësi ta marrin listën nga webi, e cila brenda do të ketë kodin e klientit përfitues, zonën ku banon (pa emër mbiemër).

Për hir të transparencës ndaj opinionit publik, Administratori i OSHEE-së sqaroi edhe disa çështje të tjera.

Ky vendim nuk po merret me vonesë, për disa arsyeje:

 E para, skema e reduktimit të kamatave ka ekzistuar që në Dhjetor 2014, ku përfitues deri më tani janë mbi 220 mijë abonentë, me reduktim kamate 70 dhe 80%. Kanë përfituar ata që likuiduan plotësisht vlerën e detyrimit. Vlera totale e përfitimit ishte 46 milionë dollarë.
 E dyta, reduktimi i kamatës për abonentët në nevojë, ka nisur në Tetor 2015 dhe kjo është fasha e dytë e përfituesve.
 E treta, për afro 60 mijë familjet përftuese që kanë paguar këste 2500 dhe 2800 reduktimi i kamatës është 80%, aq sa është aplikuar më herët që në Dhjetor 2014, për ata që likuidonin plotësisht detyrimet.

energjia.al  20.12.2016

Numri i konsumatorëve të energjisë elektrike, sipas shifrave zyrtare, pa një rënie të shpejtë në vitin 2016.

Të dhënat nga Enti Rregullator i Energjisë tregojnë se numri total i konsumatorëve të OSHEE-së, në fund të gushtit, ishte 1,181,407 persona, nga 1,213,767 konsumatorë që ishin në fillim të vitit, ose rreth 32.4 mijë më pak, me një tkurrje prej rreth 3% në raport me fillimin e vitit.

Siç shihet nga grafiku, në fund ka një luhatshmëri sipas muajve, por rënia më e madhe shihet të ketë ndodhur në korrik.

Ekspertët e sektorit radhisin disa arsye për rënien e numrit të konsumatorëve. E para lidhet me aksionin që kompania bën ndaj atyre që nuk paguajnë energjinë.

Aktualisht, qindra familje, duke përfshirë edhe Qarkun e Tiranës janë të shkëputur nga rrjeti i OSHEE-së se nuk kanë aftësi paguese për energjinë.

Arsyeja e dytë lidhet me emigracionin dhe e treta me mbylljen e përhershme apo të përkohshme të bizneseve. Të tjerë konsumatorë kanë shkëputur kontratat për shtëpitë e dyta, sidomos në fshat, duke u paraprirë kështu penalizimeve nga OSHEE-ja.

Pak ditë më parë, një raport rajonal mbi varfërinë e furnizimit me energji vuri në dukje se, ky fenomen është në rritje në vendet e Europës Juglindore, duke prodhuar borxhe (pamundësi për të paguar faturat e energjisë elektrike), shtëpi të ftohta dhe probleme shëndetësore.

Shqipëria vlerësohet se ka varfërinë më të madhe energjetike në rajon.

Për familjet shqiptare, studimi tregon se burimi kryesor i energjisë është elektriciteti (45%) dhe pasohet nga biomasa me 38%. Në raport cilësohet se Shqipëria ka një normë të lartë papunësie 19%. Në Shqipëri, vetëm 40% e familjeve kanë pajisje elektrike për gatim, ngrohje të ujit apo të tjera pajisje që përdorin energjinë. 11.2% e familjeve nuk kanë paguar faturat e energjisë elektrike dhe 20.7% kanë ngrohje të papërshtatshme. Gjithashtu, në raport theksohet se 12.5% e shtëpive në Shqipëri kanë mure, dysheme apo bodrume me lagështirë dhe 7.7% e tyre kanë një çati që rrjedh.

Raporti vë në dukje se në vend nuk ka asnjë politikë për të zhdukur varfërinë energjetike.

Hartuesit e raportit vizituan dhjetë familje në kryeqytet, ku të gjithë jetonin në shtëpi pa izolim dhe dritare me një xham. Të ardhurat mesatare për familje ishin 150 euro dhe kishin mesatarisht katër pjesëtare. Ata kishin probleme me shëndetin, vuanin nga sëmundje kronike apo paaftësi të ndryshme dhe treguan se problemet e shëndetit i privonin nga aktivitete të ndryshme.

Revista Monitor,  30.11.2016

Korporata Energjetike e Kosovës (KEK) ka bërë të ditur se është duke prodhuar sipas planit duke respektuar procedurat operuese dhe obligimet kontraktuale ndaj KEDS/KESCO me përpikëri.

Sipas Bilancit Energjetik për vitin 2016 në këtë kohë KEK ka paraparë të operojë gjthësejtë me 3 njësi gjeneruese,  2 njësi të TC Kosova A dhe 1 njësi të TC Kosova B.

“Gjatë ditës së sotme për shkak të problemeve teknike jemi detyruar të ndalim njësinë A4 dhe si rezultat i asaj KEK ka arritur të sigurojë energji elektrike nga Korporata Energjetike e Shqipërisë (KESH) në sasi prej  300 MW/h, sasi e cila e tejkalon planifikimet e parapara sipas bilancit energjetik të aprovuar”, ka theksuar KEK.

Fillimisht KEK i ka ofruar në dispozicion KESCO-së energji elektrike të huazuar nga KESH Sh.a. deri në 300MW/h por  KESCO ka refuzuar të  pranojë më tepër se 120 MW/h.

“Për më tepër, gjithashtu e informojm opinionin se njësia A3 është duke prodhuar sipas planifikimit të paraparë dhe nuk ka asnjë problem teknik siç është dezinformuar në deklaratat e dërguara nga Furnizuesi Publik, me këtë rast kërkojmë nga të gjitha palët që obligimet e veta ndaj konsumatorëve ti përmbushin në bazë të licencave  të marra.”

“Për të qenë transparentë ndaj të gjitha palëve, vlen të thekësohet se Furnizimi i konsumatorëve me energji elektrike është përgjegjësi ekskluzive e Furnizuesit Publik përkatësisht KESCO-së, përgjegjësi kjo e ngarkuar me ligjin për energji elektrike. Prandaj, për informimin e juaj KEK është përgjegjës vetëm për prodhim të energjisë elektrike dhe jo për reduktime apo furnizim të konsumatorëve”, thekson me tutje KEK.

Agjensia e lajmeve ekonomia,  10.11.2016

Energjia elektrike që Turqia ka blerë këtë vit për periudhën janar-shtator nga vendet fqinje është pakësuar me 30% në krahasim me të njëjtën periudhë të vitit të kaluar.

Sasia e energjisë që është blerë nga Greqia, Gjeorgjia, Bullgaria dhe Azerbajxhani ra në 3 miliardë e 244 milionë e 448 mijë kilovat/orë nga rreth 4 miliardë e 654 milionë e 21 mijë kilovat/orë që ishte në të njëjtën periudhë të vitit të kaluar.

Për energjinë e importuar në periudhën janar-shtator të vitit të kaluar u pagua 290 milionë e 417 mijë dollarë, kurse për të njëjtën periudhë të këtij viti, kjo shifër u pakësua me 46% dhe ra në 155 milionë e 801 mijë dollarë.

Në reduktimin e importit të energjisë kanë ndikuar fokusimi në burimet vendase dhe te burimet e rinovueshme.

Revista Monitor,  09.11.2016

Shtetet anëtare të OPEC-ut i kërkuan homologut të tyre rus, Alexander Novak, reduktimin e prodhimit të naftës me 4 për qind nga niveli aktual i prodhimi.

Ministrat nga Arabia Saudite dhe aleatët e saj të OPEC-ut në rajonin e Gjirit i kërkuan homologut të tyre rus, Alexander Novak, reduktimin e prodhimit të naftës me 4 për qind nga niveli aktual i prodhimit, gjatë një mbledhjeje në Austri mes vendeve anëtare të OPEC-ut dhe vendeve joanëtare prodhuese të naftës.

Rusia, që paralajmëroi prodhimin prej rreth 4 milionë fuçi nafte në ditë, njoftoi javën e kaluar se është pajtuar që të ngrijë prodhimin në bashkëpunim me vendet e OPEC-ut, por jo ta reduktojë atë.

Nga ana tjetër, prodhuesi i dytë më i madh i OPEC-ut, Iraku, ka kërkuar gjithashtu përjashtimin e mundësisë së reduktimit të prodhimit së bashku me vendet e tjera si Libia, Nigeria dhe Irani.

Agjensia e lajmeve ekonomia,  02.11.2016

Puna intensive e grupeve të OSHEE ka cuar në reduktimin e zonave pa energji elektrike

Zonat pa energji sipas rajoneve
Tiranë: Ibë (pjesërisht, Ndroq (pjesërisht), Paskuqan, (pjesërisht), Zallbastar (pjesërisht), Sauk (pjesërisht), Mëzez (pjesërisht), Shupal (pjesërisht).
Durres: Borizan
Gjirokaster: Konispol
Korcë: Liqenas
Kukës: Domaj, Mehall e Eperm
Shkodër: Rethina Dajc, Zejmen, Shëngjin, Lezhë.
Fier: Cakran, Ballsh
Vlorë: Himarë, Selenicë, Radhimë, Treblov, Drashovicë
Burrel: Zhej
Berat: Krutje, Rremas, Gradisht, Kolonjë, Cukalat
Elbasan: Godolesh, Gjinar, Pajovë, Mollas, Orenjë, Lunik

Sipas informacionit të përcjellë në dispecerinë qendrore të OSHEE nga zyrat rajonale, linjat me defekt janë:

L30-51 Jagodinë – Karavasta jashtë pune.
Pa energji N/St Libofshë, Ardenicë, Karavasta
n/stacioni Smokthinë është jashtë pune
N/st Xhuherinë pa tension si pasojë e lagështirës

energjia.al  13.06.2016