Shqipëria heq tarifa të reja për makinat elektrike
Ata që regjistrojnë për herë të parë mjete elektrike nuk do të paguajnë tarifa për kontrollin fizik, lejen e qarkullimit, targat dhe çertifikatën e pronësisë.
DPSHTRR njofton se nga 7 Nëntori 2019 do të rimbursojë çdo tarifë të regjistrimit për herë të parë për mjetet elektrike & plug-in!
“Janë bërë 0 tarifat:
-Kontrolli Fizik 1,500 lekë!
-Leje Qarkullimi Kombëtare 1,000 lekë!
-Targat standard 3,000 lekë!
-Certifikatë pronësie 2,000 lekë! Në total 7,500 lekë të reja për çdo mjet GREEN do të mbulohen nga DPSHTRR! Ndërsa ulet numri i përgjithshëm i mjeteve të përdorura që hyjnë nga importi kemi brenda këtij numri një rritje të regjistrimit për herë të parë, me +5,209 mjete më të reja, me vit prodhimi mbi 2009 / Euro4 e lart, ose +45% më shumë mjete më të reja!
Më shumë të ardhura me më pak mjete! DPSHTRR bëhet kështu një ent promotor dhe protagonist edhe për risi konkrete për mbrojtjen e mjedisit dhe cilësisë së ajrit, uljen e ndotjes mes nxitjes së regjistrimit të mjeteve GREEN nga qytetarët si edhe ndërgjegjësimit për gjeneratat e së tashmes dhe së ardhmes” njofton DPSHTRR.
Nga ana tjetër, gjatë periudhës janar-tetor 2019, janë regjistruar 19 % mjete elektrike më shumë se në vitin 2018.
Scan, 15.11.2019