Maqedonia merr “njësh” nga Rusia, për gazin
Përfaqësuesit qeveritarë të Maqedonisë janë kthyer të zhgënjyer nga Rusia. Ndonëse ishte paralajmëruar se në Forumin e Shën Petersburgut do të nënshkruhet marrëveshja për përfshirjen e Maqedonisë në projektin e gazsjellësit “Rrjedha Jugore”, një gjë e tillë nuk ka ndodhur.
Vetëm një javë më parë, zv.kryeministri i Financave, Zoran Stavrevski kishte thënë për media se marrëveshja do të bëhet dhe se në aktin e nënshkrimit do të merrte pjesë edhe kryeministri Nikolla Gruevski.
I pyetur për të sqaruar “dështimin” në Rusi, zëdhënësi qeveritar, Aleksandar Gjorgjiev ka deklaruar se shkak për anulimin e nënshkrimit kanë qenë saktësimet teknike të marrëveshjes.
Gazeta Koha Ditore, 23.06.2013