info@energjia.al

Një bombol gazi ka shpërthyer mëngjesin e sotëm në një banesë në qytetin e Korçës si pasojë e të cilit ka mbetur i plagosur një 63- vjeçar.

Mësohet se ngjarja ka ndodhur në lagjen nr 4 në banesën e 63- vjeçarit me inicialet E.P.

63- vjeçari është dërguar në Spitalin e Korçës për të marrë ndihmën e nevojshme mjekësore, ku ndodhet jashtë rrezikut për jetën.

Shqiptarja.com  16.05.2017

Kompania Kosovare për Distribuim dhe Furnizim me Energji elektrike (KEDS) ka planifikuar që këtë vit të realizojë disa projekte në Malishevë. Investimet do të realizohen kryesisht në disa fshatra, por edhe brenda në qytet.

Zyrtarët e KEDS-it, ditë më parë kanë informuar kryetarin e Komunës së Malishevës, Ragip Begajn për investimet që priten të realizohen në këtë komunë. Sipas tyre, deri më tash janë realizuar disa projekte te rregullimit të infrastrukturës energjetike, si në fshatin Llazicë dhe Astrazup.

“Në Mleqan është duke u realizuar një projekt. Shumë shpejt pritet të investohet në Dragobili 1 dhe Dragobili 2, kurse në proces janë projektet në fshatërat Bubavec, Stapanica, Shkozë e Marali”, thanë zyrtar ët e KEDS-it.

Ndërkaq, kryetari i Komunës së Malishevës, Ragip Begaj ka kërkuar nga zyrtarët e KEDS-it që të investohet në ndërtimin e trafos 110kv..

Fuqia aktuale e energjisë elektrike në Komunën e Malishevës, sipas tij, është e pamjaftueshme.

“Pa një furnizim normal me energji elektrike, nuk mund të paramendohet as një zhvillim ekonomik, pasi çdo investitor e kërkon edhe energjinë elektrike”, tha Begaj.

Qytetarët e Malishevës, besojnë në premtimet e KEDS-it. Ata thonë se qyteti i tyre ka nevojë për një infrastrukturë të re të energjisë elektrike.

Faruk Kastrati nga fshati Kijevë tha se KEDS, gjatë vitit të kaluar ka bërë disa investime në përmisimin e infrastrukturës së energjisë elektrike, porse ende ka nevojë për investime të tilla.

Agjensia e lajmeve ekonomia,  16.05.2017

Rritja e çmimeve të naftës në tregjet ndërkombëtare gjatë sesionit të së Hënës si dhe zhvlerësimi i dollarit amerikan ndaj monedhës vendase kanë gjeneruar një rënie të lehtë të çmimeve te naftës  në tregun me shumicë në vend.

Gjatë sesionit të sotëm, nafta me shumicë në dy portet e vendit shitet me 139.94 lekë për litër, në rritje me 1.15% në krahasim me sesionin e kaluar.

Forcimi i lekut kundrejt dollarit amerikan ka frenuar një rritje edhe më të madhe të çmimeve Çmimi i pasqyruar është aktual dhe i referohet vetëm ditës së sotme.

Luhatjet në çmimin e shumicës vijnë, përveç çmimit me të cilin kuotohet në bursë, edhe në bazë të kostove të transportit, cilësisë së produktit të zhdoganuar, kursit të këmbimit ndërmjet dollarit dhe lekut, si dhe barrës  shtetërore.

Këto të dhëna i referohen çmimit përfundimtar me të cilin nafta del nga dy portet e vendit, atë të Durrësit dhe atë të Vlorës, ku përfshihen edhe të gjitha kostot që janë të detyruara me ligj, përfshirë barrën shtetërore, që sot fiksohet në rreth90.5 lekë për litër.

ScanTv,  16.05.2017

Arabia Saudite dhe Rusia, prodhuesit më të mëdhenj botëror të naftës, kanë rënë dakord për të zgjeruar programin e reduktimit të prodhimit edhe për nëntë muaj të tjerë deri në mars të 2018-ës, për të frenuar mbiofertën në tregje dhe për të rritur çmimet e naftës së papërpunuar.

Deklarata përpara takimit zyrtar të OPEC-ut me 25 Maj ka zënë në befasi tregjet, dhe kjo lëvizje pritet të sigurojë edhe anëtarët e tjerë të OPEC-ut do të jenë në një linjë me reduktimet fillestare të prodhimit.

Në një deklaratë të përbashkët, Ministri i Energjetikës i Arabisë Saudite dhe homologu i tij rus Alexandar Novak thanë se kanë rënë dakord që të zgjasin marrëveshjen ekzistuese deri në marsin e vitit të ardhshëm.

Ministrat premtuan se do të bëjnë çfarë është e mundur për të reduktuar inventarët në nivelin mesatar të pesë viteve dhe u shprehën optimistë se do të sigurojnë mbështetje të gjerë përtej prodhuesve të marrëveshjes aktuale.

Inventarët kanë shënuar rënie, por nuk kemi arritur objektin që ne kërkojmë, Falih tha në Pekin.

Ne kemi dalë në përfundimin se marrëveshja duhet të zgjasë në kohë.

Arabia Saudite, kreu de fakto i OPEC-ut, dhe Rusia, prodhuesi më i madh botëror, së bashku kontrollojnë një të pestën e prodhimit janë nxitur pas çmimi për fuçi i naftës bruto arriti 50dollarë për fuçi.

Nën marrëveshjen aktuale e cila hyri në fuqi në 1 janar, OPEC-u dhe të tjerë prodhues, përfshirë Rusinë, premtuan se do të reduktonin prodhimin me 1.8 milionë fuçi në ditë gjatë gjysmës së parë të vitit.

Ndërkohë që pritej që Rusia dhe OPEC të zgjeronin periudhën e reduktimit të prodhimit, çmimet e naftës së papërpunuar në tregjet aziatike u rritën me më shumë se 1.5%.

Revista Monitor,  16.05.2017

Edhe gjatë mëngjesit të të ditës së sotme çmimet e naftës së papërpunuar shënuan rritje.

Treguesit referencë për naftën e papërpunuar amerikane, WTI, u rritën me 0.4 për qind dhe u tregtuan me 49.03 dollarë për fuçi.

Treguesit referencë për naftën e papërpunuar europiane, Brent, u rritën me 0.4 për qind dhe u tregtuan me 52 dollarë për fuçi.

Revista Monitor,  16.05.2017